გერბი: გინორთი გინოჯინეფს შქას

გერბეფი გეჸვენჯი თარ ბუნეფო ირთუ: სახენწჷფო გერბი, ოდიხაწყარე გერბი — [[შქა ოშწანურეფი]]შ ამქრეფიშამქარეფიშ; საგვარეულე გერბეფი — [[ჟინოთა (წოდება)|ჟინოთური]] დო [[ბურჟუაზია|ბურჟუაზიული]] გვარეფიშ. გერბი სპეციფიური ისტორიული წყუ რე, ნამუსჷთ დჷმახვარე ისტორიული დისციპლინა — [[ჰერალდიკა]] დითმიგურუანს. გერბი გჷმოხანტილი რე [[შილა]]ს, [[მონეტა|მონეტეფს]] დო შხვ. [[საქორთუო]]ს უჯვეშაში ბორჯიშე აკმიქიმინუდჷ ემბლემეფი ([[ნჯილო]], [[გვერშაპი]], მთარი ღორონთიერება — უკულიანს [[წიმინდე გერგი|წმ. გერგი]], [[ჯვარი]] წირეს დო შხვ.), ნამუეფქჷთ უკული ჰერალდიკური შანულობა მიღეს. [[XVI ოშწანურა|XVI ოშწანურაშ]] საბუთის რე ომაფე ობეშტალიშ საგერბე ანგი; [[ვახტანგ VI]]-აშ [[შილა]]ს ([[1711]] წ.) გჷმოხანტილი რე [[ბაგრატიონეფი|ბაგრატიონეფიშ]] გერბიშ ემბლემეფი, მერსხილი რე [[ბიბლია|ბიბლიური]] მაფაშ [[დავითი]]შ ლეგენდაშა დო [[სვეტიცხოველი|სვეტიცხოველიშ]] ნათქუელწკჷმა; [[XVII ოშწანურა|XVII]]—[[XVIII ოშწანურა|XVIII ოშწანურეფიშ]] რე [[ბჟაეიოლი საქორთუოშ კათოლიკოს-პატრიარქეფი|ბჟაეიოლ საქორთუოშ კათალიკოსეფიშ]] ობეშტალეფი სვეტიცხოველიშ ნათქუელეფიშ ემასახალი ემბლემათ. [[ვახუშტი ბაგრატიონი|ვახუშტიშ]] ნახანდის რე ქორთული ომაფეეფიშ დო სათაროეფიშ გერბეფი.