ინჭირია: შხვანერობა გჷნოჯინეფს შქას

'''ინჭირია''' (Sambucus), [[პიოლამეფი|პიოლამ]] [[ჩანარეფი]]შ გვარი [[ჩხოროტყეფიშობურეფი]]შ ფანიაშე. ინჭირია [[ბართვი]] ვარდა მორჩილი ჯა რე, ოშა-გოშათ [[მიარეწანიანი ჩანარეფი|მიარეწანიანი ოდიარე]] რე. ინჭირიაშ ფურცელეფი სუაშობური რე, ართიანიშ სააწმარენჯოთ მიკოჩანა ღერს, პიოლეფი ხუთწვანდამი რე, აქტინომორფული, ფარიშ ვარდა ქორგაშ მოგვენო აკოკორობილი. გუმნაღელი წვენამი რე, უჩა ვარდა ჭითა კანკარი. ინჭირია გოფაჩილი რე ჟირხოლო გვერდოსფეროშ ზჷმიერ დო სუბტროპიკულ ზონეფს (ცენტრალურ დო ობჟათე აფრიკაშ მოხ). ჩინებული რე ინჭირიაშ 40 [[გვარობა]]. თინეფს შქას საქორთუოს 2 - [[ინჭირაიაინჭირია]] (თახვანტკია) (Sambucus nigra) დო დორხველი ინჭირია (Sambucus ebulus), ნამუთ ბელეშია ოდიარამი ჩანარი რე. ინჭირიას თინი 0,5-1,5 მ სიმაღალაშ დოღარილი ღერი უღუ, ფენჯგირეშობურ ბიბლეფო აკოშაყარელი პიოლეფით, რგვალი უჩა გუმნაღელი. ინჭირია ჩანს ტყაშ ორტყაფუს - ფურცელამ ტყალეფს. ტყაშ პიჯეფს დო შხვა აბანეფს, კანაკლე აკმოქჷმინუნს რაყას. ინჭირიაშ პირი იკათუანს ეთეროვანეთერუან ზეთის; ინჭირიაშ დუნადგინას მედიცინას გჷმირინუანა.