სკუნსი: გინორთი გინოჯინეფს შქას

'''სკუნსი''' ({{Lang-la|Mephitis mephitis}}), — [[მახვამილაფარეფი|მახვამილაფარი]] [[ძუძუშმაწუალეფი|ძუძუშმაწუალი]] [[კვინორიშობურეფი|კვინორიშობურეფიშ]] ფანიაშე. თიში რსხულიშ სიგჷრძა 28-38 სმ, კუდელიშ — 18—44 სმ, მასა —0,8—2,5 კგ ოჭირინუანს. ნარჩათმალიე. ოფორალი ქინჩილორამი დო ხვეხვერია უღჷ, გჷშაკერძაფილო კუდელს. ფერო უმოსი [[უჩა|უჩა]]-[[ჩე]] რე. კუდელიშ ჯინჯის უღჷ ჯარკვალეფი, ნამუეფით გჷთმოჩანა შურამ ღვანდის. ოშქურანჯი შვანს სკუნსი თე ქვანთის გჷთმოჩანს გიმანთხაფალიშ გეზათ. გოფაჩილიე ობჟათე კანადაშე ცენტრალურ ამერიკაშახ. ოხორანს ნერი-ნერი ორგუაშეეფს. ეთმიჯუმუაფუ ჭიე-ჭიე ძუძუშმაწუალეფით დო [[მაფურინჯეეფი]]თ, [[ფარფალეფი]]თ. იბრელებუ ზოთნჯიშ ლიას. მაკეობა 63 დღაშახ იგინძორებჷ. 4—10 გამნარყას ხანს. ართი წანერი სქესობურო იმონჭებუ. სკუნსის ძვირფასი [[ბოწოწი]] უღჷ.