კრეტა: გინორთი გინოჯინეფს შქას

კრეტა [[ანტიკური ხანა|ანტიკური]] [[ჯვეში საბერძნეთი|საბერძნეთიშ]] ართ–ართი არძაშე უმოს აქტიური [[კოკი]] რდჷ. თაქ კათაქ დოხორინი დიჭყჷ ჯვ. წ. 2700 -1420 წანეფს, ნამუთნამუქჷთ კოკი მაართა არძაშე უმოს გოვითარაფილ ცივილიზაციათ გინართინუ საბერძნეთის დო [[ევროპა]]ს. ბერძენეფქ კრეტას მუზმარენი ნოღა დარცხუეს. ართ–ართი რდჷ [[კნოსოსი]]. თე უჯვეშაში ნოღაშ აკნაცჷმეფი არქეოლოგეფიშ ბუნაქ [[მინოს კალოკაირინოსი]]შ დუდალათ [[1878]] წანას კჷლაგორჷ. კნოსოსიშ დოხორეე რთულ ნოგაფუს წჷმარინუანდჷ, ნამუსჷთ ცენტრის დიდი ოზე უღუდჷ. ოზეშ გოხოლუას, ქართულო (წრიულო), გოდვალირი რდჷ ოხორე ჸუდეეფი დო შხვადოშხვა ნოდგჷმეფი. თინეფი ართიანს მიკორთელ–მუკორთელ დერეფანეფით დო გიშაულარეფით მეურდეს.