|
| ncbi = 3603
}}
'''ბინეხი''' ({{lang-la|Vitis}}) — [[ჩანარი]]შ გვარი [[ბინეხიშობურეფი]]შ ფანიაშე. აკმაართიანეფს 70-შახ გვარობას, ნამუეფით უმენტაშო [[დიხაუჩა]]შ ტიბუ დო ზჷმიერ ჰეერიშ ქიანეფს რე გოფაჩილი. ორთაშობურო მარდუ ბინეხი (ტყარი) კარკატია რე, გიოპონუს ოშმეშეფით მიკამღანკუმიკმაღანკუ, უღუ დინცხფერიში ნახვაცა, ნამუთ ღოზ-ღოზით ეთხიებუ.
==გომიარაფა==
ბინეხიშ ჯინჯი ჸურით (თასით) გომიარაფაშ ბორჯის თარღერძამი რე, თარი ჯინჯი უკული ივითარენს გეძინაფონ ჯინჯეფს. ჸარშუათ გომიარაფაშ ბორჯის ნაჸარშუშ აბანს მიარე ჯინჯი წჷმიქიმინუაფუ. ბინეხი შილებე ორდას ბართვიშნერი ანუ უშტამბე დო შტამბიამიშტამამი. შტამს დვალირი რე მიარეწანიანი ნოჸელეფი ანუ ხუჯეფი დო ართწანიანი ჸალეფი დო გუნაფალეფი. [[ბინეხიშ ჸა]]ს, ფურცელიშ ყერწიშ რღიას, იდვალუაფუ რთული აკოგაფაშ [[გვიგვილი]], ნამუთ თარი დო მათირე გვიგვილეფშე აკმოდირთუ. მიარეწანიან ღერს ივითარებუ ლურენჯი გვიგვილი.
==ვეგეტაცია==
ვეგეტაციაშ პერიოდის ბინეხიშ გუნაფალას წჷმიქიმინუ გეძინაფონი გუნაფალა ანუ ნაფალა, ნამუთ ელაზჷმაფონო დაღარას ირდუ. ოშმეში ბინეხიშ მიკაღანკალი საშუალება რე. თინა გუნაფალას, ფურცელიშ საწმარენჯიაწმარენჯი აბანს მა-3-მა-5 ბირგულშე ივითარებუ. ბინეხიშ ფურცელი მოკვარკვალე, ოვალური, გურიშნერი ვარდა მარქვალიშობური რე; უდუწეწუ ვარდა 3-5-ომანამი, ოშა-გოშათ მიარეომანამი (შასლა [[მაკინდოლი]]შობური), ფურცელიშ ფირფიტელაშ დო ყერწიშ ეშნამანეფი რღია ვარდა ფორილი რე დო მიარე გინმალი ფორმა უღუ. ფირფიტელაშ ძგოპეფს შხვადოშხვა ზჷმაშ დო მოჸონაფილობაშ კიბირეფი რე. ჯიშიშ მეჯინათ შილებე ფურცელი ორდას ბირტყა, ღარიშობური, ძაბრიშობური, გიმე ვარდა ჟილე ძგოპაკოკიჩილი დო შხვა. ფირფიტელა უქიქე ვარდა ქიქამი რე, შხირას ფსქელი, ქეჩიშობური ქიქით, ფერო ღილე ვარდა რუმე წვანე რე, მოჭითე ვარდა მოჸვინთალე ფერგინოძუფერი გინოძჷ დო ტერტეფი უღუ. პიოლი ჭიფე აკოშაყარელი რე [[ფენჯგირე]] ბიბლათ, ჟირსქესამი ვარდა ფუნქციურო აკასქესამი (გიმე მოღულე უგუმნაღელე მტვრიანეფითტვერიანეფით ვარდა უგუვითარაფილი ბუტკოთიბუტკოთ).
პიოლისპიოლიშ ნორთეფი რე: ატარი, გურგინიშ ფურცელეფიშ, მტვრიანეფიტვერიანეფი დო ბუტკო. ატარი უგუვითარაფილი რე, გურგინი - ხუთფურცელამი. მტვრიანეფიტვერიანეფი თარო ხუთი რე. ბინეხიშ [[გუმნაღელი (ჩანარი)|გუმნაღელი]] ჟირბუდამი, წვენამი, შხვადოშხვა ფერიშ ლაწკარი რე. ბინეხიშ ტიანი შილებე ორდაშ ჭიჭე, ოშქაშე ვარდა დიდი ზჷმაში; ცილინდრული, ცილინდრულ-კონუსური, კონუსური, სუამი, უფორმე ვარდა ყალერი; ძალამ თხითხუ, ოშქაშე სიკუმსეშ, კუმსი დო ჭყანიერი კუმსი; ლაწკარი რგვალი, მოკვარკვალე, ოვალური, მარქვალიშობური, მოგჷნძე ვარდა გჷნძე რე, ფერო რღია წვანე, წვანე, რღია ვარდიშფერი, რუმე ვარდიშფერი, მოჸვინთალე-ამარტიშფერი (ქრავაშფერი), მოჭითე-ამარტიშფერი, მოჭითე-ღვინიშფერი, კუმაშფერი ვარდა უჩა ფერშა გინმალი რუმე ლენი. წკური ლაწკარიშ დინახალე რე (1-4 ცალი). წკურიშ ნორთეფი რე: ნინძგი, ქალაძა დო ქვარაშ ღარეფი. წკური იკათუანს ცილამ ნიფთიარობეფს, ნამუეფით ოხვილური რე ჩანარიშ ხუჭუჭიშ გოვიტარაფალო.
[[სურათი:Vineyard Ciudad Real.jpg|thumb|left|250px|ბინეხიშ ვეგეტაცია]]
ბინეხი პირანს [[მესი|მეს]]-[[მანგი|მანგის]]; გუმნაღელი [[მარაშინათუთა]]-[[გჷმათუთა]]ს მონდიდუ. ტიბუ, ზჷმიერი დო კონტინენტური ჰეერიშ პიჯალეფს, ბინეხიშ თელუანობაშ ციკლი პასიურ დო აქტიურ ხანო ირთუ. პასიური ხანა ფურცელეფიშ დოცჷმათ იჭყაფუ დო ორდოშიან [[აფუნი|აფუნს]] ბინეხიშ გოკურცხინაფათ ითებუ. აქტიურ ხანო იკოროცხუ ჩანარს წვენიშ ყარაფიშ დოჭყაფა (ჩელამურუაჩილამურუა), ნამუთ დამორჩილს ფურცელცჷმათ ითებუ. აქტიური ხანა ანუ ვეგეტაციაშ პერიოდი იკათუანს 6 ფაზას:
*ბინეხიშ ნგარაშე გვიგვილიშ გოფაჩუაშა;
*გვიგვილიშ გოფაჩუაშე გოპირუაშა;
|
