ლიბერია: გინორთი გინოჯინეფს შქას

'''ლიბერია''' ({{lang-en|Liberia}} {{IPA|[laɪˈbɪəɹɪə]}}), ედომუშამი ოფიციალური ჯოხოდვალა — '''ლიბერიაშ რესპუბლიკა''' ({{lang-en|Republic of Liberia}}) — სახენწჷფო [[ბჟადალი აფრიკა|ბჟადალ]] [[აფრიკა]]ს, [[ატლანტიშ ოკიანე]]შ წყარპიჯის. ლიბერიას ბჟადალშე უხურგანს [[სიერა-ლეონე]], ოორუეშე - [[გვინეა]], ბჟაეიოლშე - [[კოტ-დ’ივუარი]]. ქიანაშ ფართობი - 111,369 კმ², მახორობა 4 მილიონშე უმოსი ([[2015]]). ლიბერიაშ ოფიციალური ნინა რე [[ინგლისური ნინა|ინგლისური]], მარა ინგლისურიშ მოხ, ხოლო ეჩდოვითშა აკანურ ნინაშა რაგადანა. ქიანაშ წყარპიჯიშ ღოზიშ უმენტაში ნორთი [[მანგროშ ტყალეფი]]თ რე ფორილი, კინე თე ბორჯიშო ქიანაშ დინოხოლენი მერკეთ დოხორელი აკანეფი აკმოდირთუ ღიაღილე ტყალეფშე, სოდე სქირე ოცალარ-ოდიარე გაბარეფი იდვალუაფუ. კლიმატი ჩხე დო [[ეკვატორული კლიმატური ორტყაფუ|ეკვატორული]] რე, მესი-გჷმათუთა პერიოდის რე [[ჭვემაშ სეზონი]], მუჟამსჷთ გჷნმურს ნოლექეფიშ შანულამი მუდანობა, შხვა თუთეფიშ გოძვენას [[ჰარმატანი|ჰარმატანული]] ბორიეფი უჩქუ. ლიბერია თაშნეშე იკენს [[ჟილენი გვინეაშ ტყალეფი]]შ ჟარნეჩ პროცენტის.