ქართიშ სახენწჷფო უნივერსიტეტი: გინორთი გინოჯინეფს შქას

'''ივანე ჯავახიშვილიშ ჯოხოობაშ ქართიშ სახენწჷფო უნივერსიტეტ (ქსუ) ''' საქორთუოშ უჯვეშაშ დო უდიდაშ უნივერსიტეტ რე. დორცხუაფილქ იჸუ 1926 წანაშ 26 იანარს, [[დავით აღმაშენებელი|დავით აღმაშენებელიშ]] შინაშ დღას, [[ქართი|ქართის]]. თენა მაართა უნივერსიტეტ რდჷ თი ბორჯის თელ [[კავკასია|კავკასიას]]. თე ბორჯის ირწანურ სტუდენტეფიშ მუდანობა 30.000-ს, პროფესორ-მაგურაფალეფიშ მუდანობა 3.000-ს ოჭირინდუანს. ▼

უნივერსიტეტის ხუთ ფილიალ უღჷ საქორთუოშ რეგიონეფს, 6 ფაკულტეტ, 60-შახ სამენცარო ლაბორატორია დო ცენტრი, უდიდარაშ სამენცარო ბიბლიოთეკა (4 მილიონშახ წიგნით დო პერიოდულ გჷმოჩამეფით), 7 მუზეუმ დო მუშ დორხველურ სტამბა. უნივერსიტეტ გჷშაშქვანს მუშ გაზეთის „თბილისის უნივერსიტეტი“. ▼

1917 იშაყარ ქართის ქორთულ უნივერსიტეტიშ დჷმარცხუაფალ ჯარალუაქ, ნამუქჷთ იდუდჷ უნივერსიტეტიშ დორცხუაფაშ საქვარ. ▼

უნივერსიტეტიშ თარ დჷმარცხუაფალ რდჷ ჩინებულ ქორთჷ ისტორიკოს, აკადემიკოს [[ივანე ჯავახიშვილი|ივანე ჯავახიშვილი]]. თე წუმოჭყაფას [[ივანე ჯავახიშვილი|ივანე ჯავახიშვილს]] ოხვარჷდეს [[კონსტანტინე აფხაზი|კონსტანტინე აფხაზი]], [[გრიგოლ გველესიანი|გრიგოლ გველესიანი]], [[ექვთიმე თაყაიშვილი|ექვთიმე თაყაიშვილი]], [[გიორგი ახვლედიანი|გიორგი ახვლედიანი]], [[შალვა ნუცუბიძე|შალვა ნუცუბიძე]], [[დიმიტრი უზნაძე|დიმიტრი უზნაძე]], [[გრიგოლ წერეთელი|გრიგოლ წერეთელი]], [[აკაკი შანიძე|აკაკი შანიძე]], [[ანდრია რაზმაძე|ანდრია რაზმაძე]], [[იოსებ ყიფშიძე|იოსებ ყიფშიძე]], [[კორნელი კეკელიძე|კორნელი კეკელიძე]] დო [[პეტრე მელიქიშვილი|პეტრე მელიქიშვილი]]. [[ივანე ჯავახიშვილი|ივანე ჯავახიშვილიშ]] წჷმორინაფათ, უნივერსიტეტიშ მაართა რექტორო იჸუ გჷშასხუნილქ ქორთჷ ქიმიკოსიქ, რუსონაშ ოიმპერატორე აკადემიაშ მაკათურ-კორესპონდენტიქ, პეტრე მელიქიშვილქ. ▼