კონსტიტუციური მონარქია: გინორთი გინოჯინეფს შქას

'''კონსტიტუციური მონარქია''' — [[მონარქია]], სოდეთ მონარქიშ ნძალანება გოხურგელიე კონსტიტუციათ. მონარქიშ ხეშუულობაშ[[ხეშულობა]]შ [[სამართალი|სამართლებური]] გოხურგუა შილებე მიკორსხილი რდას უმაღალაშ [[კანონი (სამართალი)|კანონეფს]], თიჯგურეფს, მუჭომეფითიე [[კონსტიტუცია]] ვარდა [[სტატუტი (ანგლოსაქსონური სამართალი)|სტატუტეფს]], ვარდა შილებე [[სასამართალო პრეცენდენტეფი|პრეცენდენტულ]] გინოჭყვიდირუეფს, ნამუთ [[უმაღალაში სასამართალო|უმაღალაში სასამართალო]] ინსტანციეფს გიშმუღუ. კონსტიტუციური მონარქიაშ თარი შანი თინა რე, ნამდა მონარქიშ [[სამართალებური სტატუსი|სტატუსი]] ხვალე ფორმალურ-იურიდიულო ვარინ, ფაქტობურო ხოლო რე გოხურგელი.

კონსტიტუციური მონარქია ირთუ ჟირი სახეთ: [[დუალისტური მონარქია|დუალისტური]] დო [[ოპარლამენტე მონარქია|ოპარლამენტე]]. ართისჷთ დო მაჟიასჷთ, მონარქი ხეშუულობასხეშულობას [[პარლამენტი]]წჷკმა ირთუნს, მარა თი გოშხვეებათ ნამდა, დუალისტური მონარქიაშ ბორჯის მონარქის ნთელი [[ემაჸონაფალი ხეშუულობახეშულობა]] დუთმასკიდუ, მუჟამსჷთ ოპარლამენტე მონარქიაშ ბორჯის ემაჸონაფალ ხეშუულობასხეშუუობას [[თარობა]] ახორციელენს, ნამუთ გამამინჯე რე პარლამენტიშ წოხოლე.

''დუალისტურ მონარქიას'' მონარქიშ ხეშუულობაშხეშულობაშ გოხურგუაშ რჩქვანილობური იურიდიული საშუალება რე განჩინება, ნამდა მონარქიშ ნამთინ ზოჯუას ვაუღუ ნძალა, სოიშათ თენას ვადადასურენს გამამინჯე [[მინისტრი]]. თეწჷკმა ართო, მინისტრეფი გამამინჯეეფი ხვალე მონარქიშ წოხოლე რენა, მონარქი დუთმარინუანს დო გინმარინუანს თე მინისტრეფს. მართუაშ თეჯგუა ფორმაშ სახენწჷფოეფს, მონარქიშ ვალდვალირობა დაჸუნას პარლამენტის ოკანონდუმადვალე სფეროს უნარღელჸოფილიე პარლამენტიშ ნებათ - ბიუჯეტიშ [[ვოტუმი|ვოტირებათ]].

''ოპარლამენტე მონარქიას'' ხეშუულობახეშულობა აკმოდირთუ უმენტაშობათ პარლამენტის დო გამამინჯე რე პარლამენტიშ წოხოლე (ქძ. [[პარლამენტარიზმი]]). თიშ უმიკუჯინუო, ნამდა პარლამენტიშე წუმორინაფილი მინისტრეფიშ დორინაფას ფორმალურო მონარქი ახორციელენს, მინისტრეფიშ მაღალ პოსტეფიშე მონწყუმა (გინორინაფა) შეულებუ პარლამენტის ოპარლამენტე ვანდობაშ ვოტუმეფით. მართუაშ თეჯგუა ფორმაშ სახენწჷფოეფს, მონარქის ძალამი ჭიჭე რეალური ხეშუულობახეშულობა ოსკიდუოსქიდუ, დო მონარქის უმენტაშო წჷმმარინაფალიშ ვარდა ოცერემონიე როლი უღუ. მონარქიშ ნამუთიჸინი კორნება, თიჯგურა კერძო კორნება ხოლო, ნამუთ ორხველჷ დჷმაშებელიშ მეჭყოლოფუას, ფაქტობურო ვეშილებე ეჸონაფილქჷ იჸუასჷნ, თუ თე ოკითხი პარლამენტის ვანდობას იჭანუანს. ასეიანი მონარქიეფიშ დიდი ნორთი კონსტიტუციურიე. ევროპაშ მონარქიულ სახენწჷფოეფს მონარქეფიშ პოლიტიკური ნძალაუფლება სიმბოლური ხასიათიშიე. იურიდიულო, კანკალეშა მონარქის თიჯგურა ფუნქციეფი დუთმასკიდუ, ნამუთ შანულამიე გალენი პოლიტიკაშ კუნთხუთ, დო ხოლო სახენწჷფოშ დინოხოლენი პოლიტიკაშ კუნთხუს, თიჯგურა კრიზისულ დო კომფლიქტურ მომენტეფს, მუჭომითიე: კანონეფიშ საბოლოოე დადასურება, ჩინოსანეფიშ დორინაფა დო გინორინაფა, ლჷმაშ გჷმოცხადაფა, შვიდობაშ აპიჯალა, — მარა არძა თე ფუნქციაშ ეჸონაფა მონარქის, კათაშ ნებაშ თანხმობუათ ვეშულებუ, ნამუშ წჷმმარინაფალით პარლამენტიე. მონარქი ,,მაფენს, მარა ვამართუნს"; მონარქი წჷმარინუანს მუშ სახენწჷფოს, რე თე სახენწჷფოშ სიმბოლო.