რელიგია: გინორთი გინოჯინეფს შქას

== რელიგიაშ წჷმოულობაგოჭყაფა ==

რელიგიაშ წჷმოულობასგოჭყაფას წჷმი უწორუანდჷ რელიგიაშახიანი ხანგჷრძე პროცესი გოვითარაფაშ, ქუაშ ხანაშ ეპოქაშე. რელიგიაშ უჯვეშაში ფორმა რდჷ [[მაგია]] - ჯადოქარული შარათ ორთაშა ჟიგოლინაშ რწუმა, ნამუსჷთ მაართაჸოფილი ადამიერი საკულტო ცერემონიეფით დო შელორსეფით გჷმოხანტუნდჷ თიშ ოკორინე ღანკეფიშ მიოჭირინალო. რელიგიაშ მაართა გაჭყაფუ გჷმიხანტუაფუდჷ რეალურო არსებულ საგანეფიშ გონდიდებას, დახე თინეფს უღუდეს ჟიორთაშური ნძალა: ქუას, ნიჟარას, თუმას. თენა რდჷ ფეტიშიშ რწუმა. უკული თარი რე მაგიაშ, [[ტოტემი]]შ რწუმა. ტომი გჷთმაღორონთენდჷ ნამუდგაიჸინ თიშ შანულამ [[ჩხოლარეფი|ჩხოლარს]]. პატჷჩამაშ მასუმა ობიექტი რდჷ შური, ნოგორეფიშ შურეფიშ რწუმა. ბოლოს. უკვე კლასობური ჯარალუაშ აკოქიმინუაშ უკული, ჭიეჭიეთ აკიქიმინჷ ღორონთეფიშ რწუმაქ, [[მითი|მითეფქ]], ნამუსჷთ ადამიერეფწკჷმა ართო ქიმინჯენდეს ღორონთეფი დო ოსურღორონთეფი, დემონეფი დო ქაჯეფი, ჭინკეფი და ფერიეფი. თეშნერო, ულექინაში წჷმორინაფეფქ ღურელ საგანეფშე ჭიეჭიეთ თელჸოფილ კოსმოგონიურ სისტემათ გჷნირთჷ. რელიგიაშ გოვითარაფაშ ისტორიული ფორმეფი რე: ტომობური, ერუანულ-სახენწჷფობური დო [[მოსოფელი]]შ რელიგიეფი. ჯვეში რელიგიური წჷმორინეფიშ დჷმახასიათაფალი შანეფი რე: [[ანთროპომორფიზმი]], [[ანიმიზმი]] დო [[მაგია]].