ნერვული სისტემა: გინორთი გინოჯინეფს შქას

'''ნერვული სისტემა''' ({{lang-la|nervus}} — ნერვი) — ბიოლოგიური სისტემა, ნამუთ აკმოდირთუ '''ცენტრალური''' ([[დუდიშ ტვინი|დუდიშ]] დო [[გაგაჩიშ ტვინი]]) დო '''პერიფერიული''' ანუ ვეგეტატიური ნორთეფშე. ცენტრალურ ნორთის ორხველჷ დუდიშ დო გაგაჩიშ ტვინი; პერიფერიულს – ნერვული ნოსქვეფი, თინეფშე გიშულირი ნერვეფი დო ნერვული ბეჭილეფი. ვეგეტატიური ნერვული სისტემა წჷმორინაფილი რე სიმპატიკური დო პარასიმპატიკური ნაორთეფით. თინეფიშ ქიმინჯალა ურთიართსააწმარენჯო რე, სამანგათ სიმპატიკური ნერვული სისტემა აჭყანიერენს დო აშხირენს გულიშ რიტმულ მუშობას, პარასიმპატიკური — თის მჷთმოჩალუნს. დუდიშ ტვინი წჷმორინაფილიე მოგჷრძე ტვინით, ხინჯით, ნათხემით, შქა ტვინით, შქამადვალუ ტვინით დო დიდი გვერდოსფეროეფით. დუდიშ ტვინს შქირუ ნივთიარობა ზოხო ნაშაყარაშ სახეთ მუთმოფხვადჷნა ჩე ნიფთიარობაშ დინოხოლე. შქირუ ნიფთიარობა ტვინს დო ნათხემს მუკი-მუკი გოძჷ დო აკმოქიმინჷნს დუდიშ ტვინიშ ხოკოს, ედომუშამი ნერვული სისტემა წჷმორინაფილი რე ნერვული მორშვეფითნორშვეფით. თინა ონინალჷ ორგანიზმიშ ელმოლწკჷმა მერგეშუას დო დინოხოლენი ართიანობაშ გარზებას. ნერვული სისტემა აკოგაფათ ურთულაში რე დო მიარეჸურე ფუნქციეფს არსულენს: ოგინაფე ორგანოეფიშ მეშქაშობათ მეთმურსხუანს ორგანიზმის ელმოლწკჷმა, არეგულირენს ირ ორგანოშ ფუნქციეფს, აკმანწყჷნს შხვადოშხვა ორგანოეფიშ მუშობას ართიანწკჷმა, გჷთმოპიჯანს [[არზუანობა]]ს, [[ზიტყვება]]ს, [[შვენა]]ს, ემოციეფს დო შხვა ფიზიკურ პროცესეფს.