ინგირწყარი: გინორთი გინოჯინეფს შქას

დინორექ დილასჷ დინორექ ქეგიაძონუ
ახალი გვერდი: '''ინგირწყარი''', წყარმაალი ბჟადაალი საქორთუოს, [[კავკაციონი...
(გინორთი ვა რე)

17:14, 26 მარაშინათუთა 2011-იშ ვერსია

ინგირწყარი, წყარმაალი ბჟადაალი საქორთუოს, კავკაციონიშ თარი წყარგჷმართალი ქჷნდჷრიშ ოჩხანე კართეს დო კოლხეთიშ რზენს. ოდუდე უღუ უგურყელი ინგირს, ზუღაშ დონეშე 2614 მ-ს. ნოღა ანაკლიაწკჷმა აკათუ უჩა ზუღას. სიგირძა 213 კმ, აუზიშ ფართობი 4060 კმ2. თარი ნადუეფი რე - მარძგვანი: ადიშიშჭალე, ხალდეჭალე, მულხრა, დოლრაჭალე, ნაკრა, ნენსკრა; კვარჩხანი: თხეიში, ხუმფრერი, ლასილი, მაგანა, ჯუმი დო შხვა. ინგირწყარი ჟიმოლენს კვათუნს შონეშ ქვაბულს, ოდო უკული ტომბა დო ცორქო ლეხერს მეხირჩანს. ჟიმოლენს დო შქა დინებას წყარმაალიშ კალაპოტი მინგან ჭორომიანიე. ნოღა ჯვარწკჷმა წყარმაალი გიშმურს კოლხეთიშ რზენს, ქიმინუნს ფართო ლეხერს დო იჩხვინჩხვალუ. ოფ. რუხწკჷმა ირთუ ჟირი ნოჸელათ, ნამუეფ შქას აშაძჷ 12 კმ სიგირძაშ დო 0,5-2,0 კმ სიგანეშ კოკი. თიშა გეკიდილიე ოფ. შამგონა. ინგირწყარი აკოწყორილი რდუალაშ წყარმაალიე; ჟიმოლენს წანური გიმნაველიშ 66%-ის აკმადგინანს თჷრიშ დო უგურყელიშ წყარი, 22%-ის გრუნტიშ წყარი, 12%-ის ჭვემაშ წყარი, თუდოლენს ოსქვებურო - 18%, 26% დო 56%-ის. ოშქარი წანური ხარჯი ოფ. ხაიშწკჷმა 109 მ3/წმ მანგიე აკაკათაფუწკჷმა 170 მ3/წმ. წყარალა უჩქუ აფუნს დო ზარხულს, წყარციქა რე ზათონც. ოფ. ლახამულიშე ოფ. შამგონაშახ ინგირწყარს ირინუანა ჯა-ტყაშ გიმასიონტაფალო, თუდოლენს - ოწყარალო, ინგირ-გალიშ ოწყარალი არხიშ ოშქარალათ. ნოღა ჯვარწკჷმა გიკიდუ̂ ინგირწყარიშ ჰიდროელექტროსადგურქ. ოფ. ტობარწკჷმა დოპროექტაფილიე 750 ვითარი. კვტ სიმძლავრეშ ტობარჰესიშ გეკიდუა.ინგირწყარიშ მანგას გიშმურს სამარგალოშ დო აფხაზეთიშ რეგიონეფიშ ადმინისტრაციული სანძღო.

წყარმაალი ინგირი ოდუდეწკჷმა. ფონს უკახლე უშგულიშ ლამარია

ლიტერატურა

  • უკლება ნ., ქსე, ტ. 4, გვ. 150, თბ., 1979

თარგი:სამეგრელოს და ზემო სვანეთის მხარის მდინარეები თარგი:საქართველოს წყლის რესურსები