დინორექ დილასჷ დინორექ ქეგიაძონუ
|
|
'''ინფექცია''' (გვიან. ლათ. infectio - დალახება) — პათოგენური [[პარაზიტი]]შ მიშაჭკირუა ადამიერიშ ვარ-და ჩხოლარიშ ორგანიზმშა დო თიშ დალახება. ორგანიზმის მიშაჭკირუაშე ინფექციაშ გჷმმაჭანაფალი ინმიპარკებჷ გორკვიაფილ ორგანოეფს დო ნორშვეფს. მიშაჭკირილჷმიშაჭკირილი პარაზიტიშ დო „მენძელიშ“ ორგანიზმიშ შქას იჭყაფჷ რთული ურთიართგოლინა - ინფექციური პროცესი, ნამუთ იკათუანს გჷმმაჭანაფალიშ რინაშ ახალ პიჯალეფწკჷა მერგეშუას, გომიარაფას, პროცესიშ დისემინაციას, [[მეტასტაზეფი|მეტასტაზეფიშ]] გორჩქინას, დალახებური ორგანიზმიშ [[ინტოქსიკაცია]]ს დო შხვა. ინფექცია გიშმარჩქინდჷ ლახარაშ კონწარი ვარ-და ქრონიკული ფორმათ დო ვარ-და ინფექციაშ მაღელობათ. ინფექციაშ ფორმა დოჸუნს გმმაჭანაფალიშ მუშობურობეფს - ვირულენტობაშა, ეგზო- დო ენდოტოქსინეფიშ გჷმომუშებაშ ღვენაშა, მიშაჭკირილი გჷმმაჭანაფალიშ მუდანობაშა დო შხვა. თაშნეშეხოლო დიდი შანულობა უღუ ორგანიზმიშ დგომარობას, თიში მუკოდვალაშ ღვენას ვარ-და თე დო თი ლახარეფშო მენჭაფას. კანკალე გჷმაჭანაფალიშ ორგანიზმის ინოპარკება ვეჭანუანს პათოლოგიური პროცესიშ გოვითარაფას. თეჯგურა გჷმმაჭანაფალეფშა პიჯობურო პათოგენური უჯოხონა. თინეფს დიდი ხანიშ გოძვენას შეულებჷნა უსიმპტომეთ რდან [[კანი]]შ დო ცქირცქამი დაცხეფიშ ჟიპიჯის, კუჭყია-ჭისჭჷს დო შხვადო, ვინდარო ტრავმა, გორგილაფა ვარ-და შხვა ხემანწყუ ფაქტორი ვაკუქიმინუნს ომანგე პიჯალეფს მალახებერი მუშობურობეფიშ გიშარჩქინალო.
{{მერკე}}
|