ანრი (ლუქსემბურგიშ დიდი ჰერცოგი)

ანრი (ფრანგ. დო ლუქს. Henri, ედომუშამი ჯოხო ფრანგ. დო ლუქს. Henri Albert Gabriel Félix Marie Guillaume von Nassau; დ. 16 პირელი, 1955) — ლუქსემბურგიშ დიდი ჰერცოგი 2000 წანაშე, თიშ უკული, მუთ მუამუში, ლუქსემბურგიშ დიდი ჰერცოგი ჟანქ თიში მორგეთ ხვისტაშე გეგნოდირთჷნ.

ანრი
ფრანგ. დო ლუქს. Henri ფრანგ. დო ლუქს. Henri Albert Gabriel Félix Marie Guillaume von Nassau
დიდი ჰერცოგი ანრი 2009 წანას
ლუქსემბურგიშ დიდი ჰერცოგი
დუდალ. დაჭყაფუ:	2000 წანაშ 7 გჷმათუთა
დუდალ. დათებუ:	ასეშა
წიმოხონი:	ლუქსემბურგიშ დიდი ჰერცოგი ჟანი
მონძე:	გიომი
დაბ. თარიღი:	16 პირელი, 1955 (1955-04-16)
დაბ. აბანი:	ბეცდორფიშ ჯიხაზურგა, ბეცდორფი, ლუქსემბურგი
ალმასქუ:	მარია ტერეზა მესთრი
სქუალეფი:	გიომი ფელიქს ლუქსემბურგარი ლუი ლუქსემბურგარი ალესანდრა ლუქსემბურგარი სებასტიან ლუქსემბურგარი
ედომუშამი ჯოხო:	ანრი ალბერტ გაბრიელ ფელიქს მარი გიომ ფონ ნასაუ
დინასტია:	პარმაშ ბურბონეფი
მუმა:	ლუქსემბურგიშ დიდი ჰერცოგი ჟანი
ნანა:	ჟოზეფინა-შარლოტა ბელგიარი
რელიგია:	კათოლიკური ოხვამე
გონათაფა:	ჟენევაშ უნივერსიტეტი სენდჰერსტიშ ომაფე ოურდუმე აკადემია

მასქერეფი

ანრიშ მასქერეფი დიდი ჰერცოგი ჟანი დო ჰერცოგინია ჟოსეფინა-შარლოტა რდეს. თინეფქ 1953 წანაშ 9 პირელს იგურგინეს დო ანრიშ მოხ ხოლო ოთხი სქუა ჸუნა. ნანა - ბელგიაშ ომაფე ფანიაშ წჷმმარინაფალი, ბელგიაშ მაფა ლეოპოლდ III-შ დო დიაფალ ასტრიდიშ უნჩაში დო აკა ცირასქუა რდჷ. ის 1927 წანაშ გჷმათუთას ბრიუსელს დებადჷ. თინა დუდენდჷ მიარე ორგანიზაციას, თინეფს შქას ლუქსემბურგიშ ჭითა ჯვარს (1958 წანაშე). ჰერცოგინიაქ 2005 წანაშ 10 მანგის, 77 წანაშ ხანს ფიჟვეფიშ კიბოთ ღურჷ.

გონათუა

ანრიქ 1955 წანაშ პირელს დებადჷ, ბეცდორფიშ ჯიხაზურგას, ლუქსემბურის. გონათუა მიღჷ მუჭოთ ოდაბადეს, თაშნეშე საფრანგეთის, გათჷჟენევაშ უნივერსიტეტი პოლიტიკური მენცარობეფიშ სპეციალობათ. თაშნეშე მიღჷ ოურდუმე გონათუა სენდჰერსტიშ ომაფე ოურდუმე კოლეჯის, ბრიტანეთის. მონარქი დუდიშულო რაგადანს ფრანგულ, ინგლისურ დო გერმანულ ნინეფს.

პიჯული რინა

მუში მუმალ ალმასქუს, მარია ტერეზა მესთრის, მაფასქირქ შვეიცარიას, ჟენევაშ უნივერსიტეტის გურაფაშ ბორჯის შეხვადჷ. მაფასქირიშ ნანაშ აწორინალაშ უმკუჯინალო, ანრიქ მარიაშა 1981 წანაშ 14 ფურთუთას ლუქსემბურგის დეგურგინჷ. ომაფე ჭკობას 5 სქუაქ შეძინჷ - 4 ქომოლსქუა დო ართი ცირასქუა. 2006 წანაშ 12 მელახის, ჰერცოგის დო ჰერცოგინიას მოთაქ შეძინეს - თინეფიშ მასუმა ქომოლსქუაშე - მაფასქირ ლუიშ ქომოლსქუა - გაბრიელი.

სამართალებური სტატუსი

ქიანაშ კონსტიტუციაშ ოსხირშა, დიდი ჰერცოგი სახენწჷფოშ მადუდე რე. მონარქიშ პოზიციეფი ეხანტილი რე ქიანაშ თარი კანონიშ 33-ა დო 49-ა დუდეფს. დიდი ჰერცოგი დჷთმარინუანს პრემიერს დო თარობაშ შხვა მაკათურეფს, გუთმონწჸუნს დო კილანს ქიანაშ უმაღალაში ოკანონმადვალე ორგანოშ დეპუტატეფიშ პალატას, დჷთმარინუანს ჸენჯეფს დო თ.უ. დო სუმი თუთაშ გოძვენას ჰერცოგიქ ხე ვამაჭარჷ დეპუტატეფიშ პალატაშით წჷმმორინაფილჷ კანონპროექტის, თინა უკული გოუქვებულო იკოროცხჷ. ჰერცოგი ქიანაშ აკოანჯარაფილი ნძალეფიშ თარსარდალი რე.

რეზიდენცია

ქანაშ ნანანოღას ლუქსემბურგიშ დიდი ჰერცოგიშ ოფიციალური რეზიდენცია რე Grand Ducal Palace, ზუსტას თაქ ოინალჷ დიდი ჰერცოგი ოდაბადეს, მუჭოთ სახენწჷფოშ მადუდე. კონსტიტუციაშ 44-აშ ბირგულიშ მეჯინათ, მონარქიშ ოფიციალური რეზიდენცია რე, თაშნეშე, ბერგიშ ჯიხაზურგა.

მონძე

ხვიტაშ უშქაშე მონძე - მაფასქირი ვილჰელმი 1981 წანაშ გერგობათუთას დებადჷ. თიქ დაჭყაფურ გონათუა ოდაბადეს მიღჷ, უკული გურაფულენდჷ შვეიცარიაშ ართ-ართი კილერ სკოლას. ოურდუმე გონათუა ბრიტანეთის მიღჷ, სენდჰერსტიშ ომაფე ალადემიას. ბრიტანეთის მიღჷ უმაღალაშ გონათუა - გურაფულენდჷ დარემიშ დო ბრანელიშ უნივერსიტეტის (ლონდონი). მაფასქირი ასეთ გურაფულეს შვეიცარიას დო აქტიურო ოკათჷ ქიანაშ რინას. მაფაქსირი მეთმიოგანს პიანინოს, ოინტერეს მუსიკა, ნჩურუა დო კარაჩხაბურთი. მაფასქირი რაგადანს გერმანულ, ფრანგულ დო ინგლისურ ნინეფშა. მაფასქირი ხურგაშგალე შხირას წჷმარინუანს მასქერეფს.

ლიტერატურა

• გ. ჭანტურია, ს. ჭანტურია - მსოფლიოს მონარქები, თბ., 2008 წ.