მანგა: გინორთი გინოჯინეფს შქას

დინორექ დილასჷ დინორექ ქეგიაძონუ
(გინორთი ვა რე)

22:27, 14 პირელი 2020-იშ ვერსია

მანგა (იაპონ. 漫画) — კომიქსიშ იაპონური მანგი ზიტყვა. მანგაშ სტილქ მავითოჩხორა უკუნიშ ბოლოს დირსხჷ.

ვიკიპე-ტან, ტიპური მანგაშ პერსონაჟი

ზიტყვა „მანგა“ (kanji: 漫画; hiragana: まんが; katakana: マンガ), მუჭოთ თიში ბჟადალური მანგი „კომიქსი“, ხვალე კარიკატურას ვა შანენს, მულტფილმსჷთ. მანგაშ მეჯინათ დორსხუაფილჷ იაპონურ ანიმაციურ ფილმეფს ანიმე ჯოხო.

იაპონიას ნამდგა ხანიშ დო სქესიშ ადამიერშო გიშურს მანგა დო ოკათჷ ჟანრეფს, ნამუეფ შქას რე ქიმინუაშ, თრილერი, მერმენწეფიშ, სპორტი, მუსიკა, ფენტეზი დი ომენცარე ფანტასტიკა, დრამა, ისტორიული, დეტექტივი, კომედია დო თ.უ. მანგა უმოსო იბეშტჷ უჩა-ჩეთ, მორო ჭარჭულია მანგეფით ბხვადუნა. მანგაშ ავტორი რე მანგაკა (漫画家).

1950-იანი წანეფიშე იაპონიაშ გიშმაშქუმალარი ინდუსტრიას მანგას შანულამი აკანი უკინებჷ. ამდღარშო ბრელი მანგა ითანგჷ შხვადოშხვა ნინაშა, უმოსო ინგლისურო, დო თინეფიშ ელექტრნული ვერსიეფი ხემიოლჷ რე დახე ედომუშამ მოსოფელს.

მოსოფელიშ კანკალე ქიანას ბხვადუნა მანგაშ გოლინათ დორსხუაფილი სტილეფი, მაგალთო: ჩინეთი, ჰონგ-კონგი, ტაივანი — („manhua“); ობჟათე კორეას („manhwa“); საფრანგეთის „manfra“ დო „la nouvelle manga“.

რესურსეფი ინტერნეტის