კომიქსი: გინორთი გინოჯინეფს შქას

დინორექ დილასჷ დინორექ ქეგიაძონუ
Nikaberishvili (სხუნუა | ნახანდი)
ახალი გვერდი: ფაილი:Little nemo the walking bed.jpg|მინი|250პქ|ვიქტორ მაკნეიშ კომიქსი „ჭიჭე ნე...
(გინორთი ვა რე)

23:11, 14 პირელი 2020-იშ ვერსია

კომიქსი (ინგლ. Comics) — ვიზუალური ხელუნებაშ ფორმა, ნამუთ აკოდირთჷ გჷმოსახულებეფიშ დო ტექსტიშ (დიალოგური ბუშტეფიშ ვარდა ტიტრეფიშ სახეთ) კომბინაციაშე.

ვიქტორ მაკნეიშ კომიქსი „ჭიჭე ნემო“.

დუდშე გჷმირინუაფუდჷ კარიკატურეფიშ ილუსტრაციაშო დო ეიორთუაფალო ოძიცე დო ტრივიალური ისტორიეფით, მორო უკულ-უკული თიქ გიძინჷ დო ლიტერატურულ ფორმათ გინირთჷ ბრელი თუდონჟანრეფით.

კომიქსეფიშ მაწარმებელი ჟირი თარი კომპანია რე — Marvel Comics დო DC კომიქსეფი, ნამუეფით ართიანს სერიოზულ კონკურენციას უმანგარანა. 2016 წანაშ მუნაჩამეფით, DC Comics დო თიში თარი აწმარენჯი Marvel, ამერიკული კომიქსეფიშ ბაზარიშ 70%-ის უღუნა.[1]

Marvel Comics კომიქსეფიშ გჷშმაშქუმალარი კომპანია, ნამუთ Marvel Entertainment-იშ რენ. (უოლტ დისნეიშ კომპანიაშ სქუალაფირი).[2][3]

Marvel-იშ გერგეზეფს შქას რე კაპიტანი ამერიკა, ფანტასტიკური ოთხული, ჰალკი, რკინაშ კოჩი, ბორბოლია-კოჩი, იქს-ადამიერეფი დო შხვეფი. უმენაშობა ათე გერგეზეფიშ ართ რეალობას რენა, ნამუსჷთ Marvel Universe-ი (მარველიშ მოსოფელი) უჯოხონა. ათე კომიქსეფიშ წინგიშ გიშაშქუმალა 1939 წანას დიჭყჷ დო თიში ჯოხო Timely Comics რდჷ, 1950 წანაშო Atlas Comics ჯოხოდჷ.

Marvel-იშ დორსხუაფაშე, 1961 წანაშე მოჸუნელი, ფანტასტიკური ოთხულიშ დო ბრელი შხვა სუპერგერგეზიშ აკმაქიმინალეფი რენა: სტენ ლი, ჯეკ კირბი, სტივ დიტკო დო შხვეფი. Marvel-ი წორას თიმწკჷმა იჸუ ამერიკას ართ–ართი შხუ კომიქსეფიშ კომპანიაქ, DC Comics-წკჷმა ართო.

DC Comics (დირსხჷ 1934 წანას, მუჭოთ National Allied Publications) — რე ართ-ართი არძაშე პოპულარული დო ჩინებული კომიქსეფიშ გჷშმაშქუმალარი მარველ კომიქსეფიშ უკული. გიშმაშქვაფალი 1969 წანას იჸიდჷ კომპანიაქ Warner Bros. Pictures

DC კომიქსეფიშ არძაშე ჩინებული გერგეზეფი რენა: სუპერმენი, ბეტმენი, სარკო ოსური, ფლეში, წვანე ოსინთე დო სამართალიანობაშ ლიგა. ინიციალი „DC“ იქიმინჷ ათე კომპანიაშ პოპულარული სერიაშ დეტექტიური კომიქსეფიშ მეჯინათ (Detective Comics) დო მალას კომპანიაშ ოფიციალური ჯოხოთ გინირთჷ.

ლიტერატურა

რესურსები ინტერნეტში

სქოლიო

  1. DC Comics Humiliates Marvel With August 2016 Marketshare, As Diamond Sets A Record Month Of Sales. კითხირიშ თარიღი: 18 ეკენია, 2016.
  2. Disney to acquire Marvel Entertainment for $4B“, MarketWatch.com. კითხირიშ თარიღი: 31 მარაშინათუთა, 2009. დოარქივაფილი რე ორიგინალშე 8 ივანობა, 2011-ს. 
  3. {{cite web|url=http://www.marketwatch.com/story/marvel-shareholders-ok-disney-acquisition-2009-12-31 |title=Marvel Shareholders OK Disney Acquisition |first=Michelle |last=Donley |publisher=MarketWatch.com |date=31 ქირსეთუთა, 2009 |deadurl=no |archiveurl=https://web.archive.org/web/20141102044940/http://www.marketwatch.com/story/marvel-shareholders-ok-disney-acquisition-2009-12-31 |archivedate=2 გ, 2014}ერგობა თუთა}