ცერბერი: გინორთი გინოჯინეფს შქას

დინორექ დილასჷ დინორექ ქეგიაძონუ
Nikaberishvili (სხუნუა | ნახანდი)
ახალი გვერდი: {{მიარეშანულამი|ბერძენული მითოლოგიაშ მარენჯეფი|ანკარაჯგჷე...
(გინორთი ვა რე)

22:08, 6 მესი 2020-იშ ვერსია


ცერბერი ვარდა კერბერი, (ბერძნ. Κέρβερος) — ტიფონიშ დო ექიდნეშ სკუა. დიხაშთუდოიანი ოქიანუშ (ჰადესიშ) კარეფიშ ყარული თოისერი ორჩხოლი. თის უღუდჷ სუმი დუდი, თიშ კისერს გვერეფი იწკუმონტუდეს დო კუდი ლერჩქვღირთონილი გვერვეშაპიშ დუდით ითებუდჷ. ცერბერი ჰადესის ირკოს მინაშქვანდჷ, თევრეშე აშო — აკას ვაუტენდჷ. ხვალე ართიქ — ორფეოსიქ ჯადოსანური ბირათ დარულუ კერბერი დო გიმუტყობუდუკო დიხაშთუდონშე.

ცერბერი. დიხაშთუდოიანი ოქიანუშ კარეფიშ ყარული.

ჰერაკლეშ გერგეზალა

 
გჷმოსახულება კოტოს. ჰერაკლექ მეუჸონჷ კერბერი მიკენეშ მაფა, ევრისთევსის

მიკენეშ მაფაქ — ევრისთევსიქ დავალჷ ჰერაკლეს ჰადესიშე კერბერიშ ეშაჸონაფა. დიდი ხანს გილულაშ დო ბრელი დუდსგინალუშ უკული ჰერაკლექ მერთჷ დიხაშთუდონიშ მაფა ჰადესწკჷმა დო კერბეროსიშ ჸონაფა მოთხუ. ჰადესიქ ეჸონჷ ჰერაკლეშ ძირაფათ დო ოთხუალით, ჰოიაქ უწუ, მარა თი პიჯალათ, გერგეზი კერბერს ცალიერი ხეთ დემორჩილენდჷდა. რკინაცალი მანგარი ხეეფი ქუგუდჷ ჰერაკლექ ორჩხოლს დო მოთხჷ ქაჸუნუკონჷ, მარა კერბეროსი ვაღირიკჷნდჷ კითის. ბრელხანს აწამჷ ორჩხოლი ჰერაკლექ დო ბოლოს გვერდო ღურელი ქიხვამილუ დო მოლეჸონჷ. ნაპტანი დაშკურინუ წკვარამიშ მარენჯი დღაშ სინთექ, თის გვალო რგილი უფი გინასოფანდჷ, ცანცალქ ეუოლჷ დო ლერჩქვეფშე მაწამალარი ლეზვა მანტუდჷ, ლეზვაშე შხამამი ოდიარეეფი ირდუდჷ. ჰერაკლექ კერბერი მიკენშა იჸონჷ დო ევრისთევსის მეუჸონჷ, მარა მაფა მუჭო ქოძირუნჷ დოშქურდჷ დო ოხვეწუდჷ გერგეზის, კინ ჰადესშა უჸონაფუდუკონ ათე ოშქურანჯობა. ჰერაკლექ ქიგეგონჷ დო კინ მუში ომაფეშა დართინუ კერბეროსი.

გინოღალირი შანულობათ კერბერს უძახუნა ჸალა, ზანკოჩის. თინა რე ლათინურო ცერბერი. [1]

სქოლიო

  1. ნოდარ გაფრინდაშვილი. მითოლოგიური ლერსიკონი. ხას. 158 - ქართი, „განათლება“, 1972.
 
ვიკიოწკარუეს? რე ხასჷლა თემაშენ: