გიორგი კალანდია: გინორთი გინოჯინეფს შქას

2004 წანას, ტელეკომპანია „[[მზე (ტელეკომპანია)|მზეშ]]“ ბაზას იხაზირებუდჷ ლაზონაშ გეშა მაართა დოკუმენტური ფილმი „მზერა ლაზეთიდან“<ref>გ. კალანდია. თურქული დღიური. (გადაცემა “ჩვენებურების” ტელექსპედიციის ანგარიშები) ნაწილი II. ჟურნალი „ლიტერატურა და ხელოვნება“ № 1, 2011. ISSN 1512-3189</ref>. კინ თიმ წანას, გ. კალანდიაშ ექსპედიცია ფირს აფიქსირენს ქორთულ ისტორიულ ძეგლეფს დო ოფუტეეფს [[აზერბაიჯანი]]შ ტერიტორიას.

 

 

2006 წანას, თიში ომენცარე ექსპედიციაქ მახაზირჷ მაართა ომენცარე დოკუმენტური ფილმეფიშ ციკლი (4 ფილმი) [[სომხეთი|სომხეთის]] რინელი ქორთული ნოქურიშ გეშა. ფილმშა გემშართჷ [[ახტალაშ მონასტერი|ახტალაშ]] დო [[ქობაირიშ მონასტერი|ქობაირიშ]] ქორთული მონასტრეფიშ კადრეფქ, [[მატენადარანი|მატენადარანს]] თხილერი ქორთული ხენაჭარეფქ დო შხვაქ.<ref>გ. კალანდია, „ექსპედიციის ჟურნალი - სომხეთი“, ჟურნალი „უფლის ციხე“ № 2. 2012, ISSN 2233-310</ref>

გალენ ქიანეფს ქორთული ისტორიული ნოქურიშ გორუაწკჷმა ართო, გიორგი კალანდიაშ ომენცარე ინტერესის ბჟადალ საქორთუოშ ისტორია წჷმარინუანს. თიქ მაართაშე დიგურჷ დო გჷმაბჟინჷ [[ცაიშიშ საეპისკოპოსო|ცაიშიშ]], [[ხობიშ საეპისკოპოსო|ხობიშ]], [[მოქვიშ საეპისკოპოსო|მოქვიშ]] დო [[დრანდაშ საეპისკოპოსო|დრანდაშ]] ეპისკოპოსეფიშ ქრონოლოგიური რანწკეფი. დეტალურო ეჭარჷ ცაიშიშ ფრესკული ხანტურალა, ქჷდიგურჷ [[წალენჯიხაშ ოკათედრე ოხიდა|წალენჯიხაშ მონასტერიშ]] ეკვდერეფიშ მოხანტუალა, ბედიაშ საეპისკოპოსოშ ისტორია, ხურგეფი, ყმა–მოლესქერეეფი.<ref>გ. კალანდია, „ოდიშის საეპისკოპოსოები“ თბ. 2004</ref><ref>წალენჯიხის ტაძრის მოხატულობა. ჟურნალი „ივერიელნი“ ISSN: 1512-4312. - N6.</ref>

 

 

[[2018]] წანაშე ტელეკომპანია იმედის მეჸუნს რუბრიკა „ამბები ხელოვნების სასახლიდან“. [[9 პირელი|9 პირელშო]] ნაძღვინუ გინოჩამას მაართათ ოძირეს უნიკალური კადრეფი საქორთუოშ მაართა პრეზიდენტიშ [[ზვიად გამსახურდია]]შ მოღალობაშ, თიში მოხუჯე მიტინგეფიშ აკორაბადუაშ, სახენწჷფო გინორთაფაშ, გამსახურდიაშ მოხუჯეეფიშ კონწარი თხოზინიშ გეშა. გინოჩამაქ ჯარალუას ფართო კინოხია გჷმიჭანჷ.