ნუკუალოფა: გინორთი გინოჯინეფს შქას
ახალი გვერდი: {{ინფოდაფა დოხორინი |სტატუსი = ნანანოღა |მარგალური ჯოხ... |
(გინორთი ვა რე)
|
23:26, 23 კვირკვე 2020-იშ ვერსია
ნუკუალოფა (ინგლ. Nuku’alofa) — ტონგაშ ომაფეშ ნანანოღა დო ოხვისტე ნოღა. იდვალუაფჷ კოკი ტონგატაპუს. ნოღაშ მახორობა 2016 წანაშო 23,221[1] ადამიერს აკმადგინანდჷ. თარ ოხორანა ტონგალეფი (96 %). ნოღას იდვალუაფუ ოზუღე ონიშოლი დო აეროპორტი. ნოღაშე გინმუღუნა კოპრა დო ბანანი.
ნანანოღა
|
ორთაშობური პიჯალეფი
ნუკუალოფა იდვალაუფუ ტონგაშ უდიდაში მანჯანიშ კოკი ტონგატაპუს. თე აბანს კლიმატი ტროპიკული ზუღაშ კლიმატი რე. წანაშ გოძვენას ჰეერიშ ტემპერატურა იძანძჷ +20 Cº-შე +26 Cº-შახ. არძაშე უმოსო ჩხე დო ლამე სეზონი იგჷნძორებჷ ქირსეთუთაშე პირელშამო. ატმოსფერული ნოლექეფიშ მუდანობა მოურს დოხოლაფირო 1500 მმ. ორთაშობური ჩანარი უმენტაშო წჷმორინაფილი რე ტროპიკული ტყალეფით, ბართვეფით დო პალმეფით.
ნოღაშ გოვითარაფაშ ისტორია
მაართა ევროპალი, ნამუქჷთ 1643 წანას კოკი ტონგატაპუს კუჩხი გედგჷნ, ნიდერლანდარიი მეზუღე აბელ ტასმანი რდჷ. 1773 დო 1777 წანეფს, ნუკუალოფაშ ტერიტორიას ესურჷ ინგლისარი კაპიტანი ჯეიმზ კუკიქ. დოხოლაფირო XIX ოშწანურაშ შქა ხანშო ტონგაშ კოკეფიშ ბუნეფქ აკიართიანეს მაფაშ ხეშულობაშ გიმე, ნამუსჷთ 1900 წანა ხექ მიჭარინჷ ხეკულუაშა გოართოიანაფილ ომაფეწკჷმა ომეფაშე პროტექტორატიშ მიშაღალაშ გეშა. 1970 წანას, პროტექტორატიშ გოუქვაფაშ უკული ქიანაქ ზოხორინელ სახენჷფოთ გჷნიცხადჷ დო ნუკუალოფაქ ტონგაშ ნანანოღაშ სტატუსი მიპალჷ.
მახორობა, ნინა, რწუმა
ნოღაშ მახორობაშ მუდანობა — 23,221 ადამიერი (2016). ნოღას თრო ოხორანა ტონგალეფი (96 %). ჟირი ოფიციალური ნინა რე — ტონგური ნინა დო ინგლისური ნინა. მორწუმეეფი, უმენტაშო — მორმონეფი რენა.
კულტურული შანულობა
ტონგაშ ნანანორაშ თარი ოქინაფუ რე 1867 წანას აკნაგებუ ომაფე დოხორე. ნოღაშ ელმოლს ასქილადირი რე ოკიანეთიშ ჯვეში ცივილიზაციაშ დუდოთხილუე დგჷმილეფიშ აკნაცჷმეფი დო ჯვეში ტონგალი არისტოკრატეფიშ ონთხორუეფი. ნოღას მიარე სკვამი პლაჟეფი რე. ჯოხოგოლაფირი რე ორქიდეაშ მიარე გვარობათ, ნამუეფჷთ ნოღაშ ხურგეფს ჩანსჷნ.
რესურსეფი ინტერნეტის
- ნუკუალოფა — ენციკლოპედია ბრიტანიკა (ინგლისური)
სქოლიო
- ↑ Tonga: largest cities and towns and statistics of their population World Gazetteer (ინგლ.) (გერ.) (ფრანგ.) (ესპ.)
|
თე სტატია ტონგაშ დო ტონგალეფიშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა. |