აგრონომია: გინორთი გინოჯინეფს შქას

'''აგრონომია''' ({{lang-grc|ἀγρός}} — ''მინდორი'', {{lang-grc2|νόμος}} — ''კანონი''; ზიტყვაზიტყვათ — ''მენცარაფა მემინდორალაშ კანონეფიშ გეშა'') — ოფუტე-ომეურნე წამებაშ მენცარული ოსხირი, [[ოფუტეშ მეურნალა|ოფუტეშ მეურნალაშ]] არძა დარგიშ რჩქინაშ ართობურალა. ოფუტე-ომეურნე წამრბაშწარმებაშ თეორიაშ დო პრაქტიკაშ გოვითარაფაშ შედეგო აგრონომიაშე გეგშერთჷ, ოფუტეშ მეურნალაშ ეკონომიკა და ორგანიზაციაქ, [[ზოოტექნიკა]]ქ, მენცარაფაშ ოფუტე-ომეურნე მანქანეფიშ გეშა, ოფუტე-ომეურნე პროდუქტეფიშ გინომუშაფაშ ტექნოლოგიაქ დო შხვაქ. აგრონომიაშ ჩინებას ასე იგურიშხონარებჷ აგრონომიულ მენცარაფეფიშ კომპლექსის დო ოფუტე ომეურნე კულტურეფიშ მოჸონაფაშ პრაქტიკულ მოხუჯეფს (ზოგადი დიხაშხანდაფა, [[აგროქიმია]], [[აგროფიზიკა]], [[მეჩანარალა]], [[სელექცია]], [[მეთასალა]], [[ფიტოპათოლოგია]], [[ოფუტე-ომეურნე ენტომოლოგია]], [[ოფუტე-ომეურნე მელიორაცია]] დო შხვა). მენცარული აგრონომია გერსხჷ ზოგად ბიოლოგიას, [[გენეტიკა]]ს, [[დიხამარჩქინჯალა]]ს, [[ჩანარეფიშ ფიზიოლოგია]]ს, [[ბიოქიმია]]ს, [[მიკრობიოლოგია]]ს, [[ბიოფიზიკა]]ს, [[ოფუტე-ომეურნე მეტეოროლოგია]]ს დო შხვა ორთაშრაგადუაშ მენცარალეფს. აგრონომია გჷმირინუანს ლაბორატორიულ დო ოვეგეტაციე მეთოდეფს, ოველე ცადაფას, თაშნეშე დიხაშ, ჩანარალაშ დო თ. უ. ოექსპედიციე გჷთონაკვერუეფიშ შედეგეფს.