აეროპორტი: გინორთი გინოჯინეფს შქას

[[ფაილი:San Francisco International Airport at night.jpg|thumb|250პქ|[[სან-ფრანცისკოშ საირქიანო აეროპორტი|სან ფრანცისკოშ აეროპორტი]]]]

 

 

თეხანური აეროპორტი ტექნიკური თოლწონუათ წჷმარინუანს, საინჟინრო-ტექნიკური მონწყილობეფიშ რთულ კომპლექსის, ნამუთ იკათუანს [[აეროდრომი|აეროდრომს]], ომაშარე ტერმინალს, ნამუთ გიშართილი რე ფურინუაშახ დო ფურინუაშ უკულიანი ნინალაშო, საორზოლო ტერმინალი, ონინალე ტექნიკური ტერიტორია, აეროდრომიშ წჷმიანი ტერიტორია დო შხვა. იურიდიული თოლწონუათ, „აეროპორტი“ გითმითანჯუ, მუჭოთ ავიასაწარმო, ნამუთ ახორციელენს შარალუაშ, ხეორზოლიშ, ორზოლეფიშ მეღება-ჯღონაშ ნინალეფს დო ოჰეერე ხვამარდეფიშ ნინალას. შხვა სახენწჷფოეფიშ კანონდვალუას „აეროპორტიშ“ გოთანჯუა ვა რე მოჩამილი, მორო თის კინ თე ტერმინი კანკალეშა გიმორინაფილი რე. აეროპორტის საირქიანო რეისეფიშ მეშარეეფშო ერუანული წესეფი ითოლიშწორუანს საბაჟო-ადმინისტრაციული ფორმალობაშ თხილუას, ნამუსჷთ წჷმარინუანს საბაჟო მოწამუა; სანიტარული-საკარანტინო კონტროლი, საპასპორტო კონტროლი; სპეციალური კონტროლი.