ქართიშ სახენწჷფო უნივერსიტეტი: გინორთი გინოჯინეფს შქას

'''ივანე ჯავახიშვილიშ ჯოხონობაშ ქართიშ სახენწჷფო უნივერსიტეტი (ქსუ) ''' საქორთუოშ უჯვეშაშ დო უდიდაშ უნივერსიტეტი რე. დორცხუაფილქ იჸუ 1918 წანაშ [[26 იანარი|26 იანარს]], [[დავით აღმაშენებელი|დავით აღმაშენებელიშ]] შინაშ დღას, [[ქართი|ქართის]]. თენა მაართა უნივერსიტეტი რდჷ თი ბორჯის თელ [[კავკაცია|კავკაციას]]. თე ბორჯის ირწანური სტუდენტეფიშ მუდანობა 30.000-ს, პროფესორ-მაგურაფალეფიშ მუდანობა 3.000-ს ოჭირინდუანს.

 

1917 იშაყარ ქართის ქორთული უნივერსიტეტიშ დჷმარცხუაფალი ჯარალუაქ, ნამუქჷთ იდუდჷ უნივერსიტეტიშ დორცხუაფაშ საქვარი.

უნივერსიტეტიშ თარი დჷმარცხუაფალი რდჷ ჩინებული ქორთჷ ისტორიკოს, აკადემიკოს [[ივანე ჯავახიშვილი|ივანე ჯავახიშვილი]]. თე წუმოჭყაფას [[ივანე ჯავახიშვილი|ივანე ჯავახიშვილს]] ოხვარჷდეს [[კონსტანტინე აფხაზი|კონსტანტინე აფხაზი]], [[გრიგოლ გველესიანი|გრიგოლ გველესიანი]], [[ექვთიმე თაყაიშვილი|ექვთიმე თაყაიშვილი]], [[გიორგი ახვლედიანი|გიორგი ახვლედიანი]], [[შალვა ნუცუბიძე|შალვა ნუცუბიძე]], [[დიმიტრი უზნაძე|დიმიტრი უზნაძე]], [[გრიგოლ წერეთელი|გრიგოლ წერეთელი]], [[აკაკი შანიძე|აკაკი შანიძე]], [[ანდრია რაზმაძე|ანდრია რაზმაძე]], [[იოსებ ყიფშიძე|იოსებ ყიფშიძე]], [[კორნელი კეკელიძე|კორნელი კეკელიძე]] დო [[პეტრე მელიქიშვილი|პეტრე მელიქიშვილი]]. [[ივანე ჯავახიშვილი|ივანე ჯავახიშვილიშ]] წჷმორინაფათ, უნივერსიტეტიშ მაართა რექტორო იჸუ გჷშასხუნილქ ქორთჷ ქიმიკოსიქ, რუსონაშ ოიმპერატორე აკადემიაშ მაკათურ-კორესპონდენტიქ, პეტრე მელიქიშვილქ.

1919-1926 წანეფს უნივერსიტეტიშ რექტორ რდჷ [[ივანე ჯავახიშვილი|ივანე ჯავახიშვილი]]. 1926 წანას სხუნუეფიშ რეჟიმიშ გინოჭყვიდუათ თინა გეგნარინუეს რექტორიშ პოსტიშე დო ჭიჭე ხანით აუკრძალეს უნივერსიტეტის ლექციეფიშ კითხირ.