ბრაზოსი: გინორთი გინოჯინეფს შქას

'''ბრაზოსი''' ([[ინგლისური ნინა|ინგლ.]] Brazos River) რე [[წყარმალუ]] [[ააშ]]ს, [[ტეხასი]]შ შტატის. წყარმალუშ ოდუდეეფ სოლტ-ფორკ ბრაზოსი დო დაბლ-მაუნტინ-ფორკ ბრაზოსი იჭყაფჷ ლიანო ესტაკადოშ რეგიონს. ჟირხოლოშ აკოართაფაშ აბანს იჭყაფჷ წყარმალუ ბრაზოსი. ბრაზოსიშ მასმა დიდ ოდუდე [[ნადუ]] რე წყარმალუ ქლიარ-ფორკ ბრაზოსი, ნამუთ ინაკათუ ბრაზოსის ნოღა გრაჰამიშ ხოლოს. წყარმალუ გიშმურს ტეხასიშ [[ნოღა|ნოღეფს]]: [[უეიკო (ტეხასი)|უეიკო]], [[რიჩმონდი (ტეხასი)|რიჩმონდი]] დო ინაკათუ [[მექსიკაშ ჸუჯი]]ს. ბრაზოსიშ სიგჷნძა რე 1,352 კმ. ღანჩოშ ფართობი 116,000 კვ.კმ.