სხუნუეფიშ რსხუშ გერგეზი: გინორთი გინოჯინეფს შქას

'''სხუნუეფიშ რსხუშ გერგეზი''' ({{lang-ru|Герой Советского Союза}}), საპატიო ჯოხოდვალა სსრ რსხუს, წჷმორჩქინაშ უმაღალაში ხარისხი სახენწჷფოშ წოხოლე ინალაფაშო — გერგეზობაშო. დოწესაფილი რე [[1934]] წანაშე. არზენდჷ სსრრ უმაღალაში სხუნუშ პრეზიდიუმი. სხუნუეფიშ რსხუშ გერგეზის გინაჩამუ სსრრ-შ უმაღალაში ჯილდო — [[ლენინიშ ორდენი]]; სსრრ უმაღალაში სხუნუშ პრეზიდიუმიშ სიგელი დო მენდალი „[[ორქოშ მურიცხი]]“. სხუნუეფიშ რსხუშ ჟირშახ გერგეზის აჯილდოენდეს მაჟირა „ორქოშ მენდალით“ დო თიშ ოდაბადეს ბრონზეშ ნოჭახნაკუს გედგჷნდეს. სუმშახ გერგეზიშ ბრონზეშ ბიუსტი [[მოსკოვი|მოსკოვს]] იდგჷმუდჷ. მაჟირა დო მასუმა მენდალით დაჯილდებაშ შვანს სხუნუეფიშ რსხუშ გერგეზის გინაჩამუდჷ სსრრ უმაღალაში სხუნუშ პრეზიდიუმიშ გჷშაკერძაფილი სიგელი. სხუნუეფიშ რსხუშ გერგეზიშ ჯოხოდვალაშ მიდაღალა შეულებუდჷ ხვალე სსრრ უმაღალაში სხუნუშ პრეზიდიუმს. [[საქორთუო]]ს [[1983]] წანას რდჷ 164 სხუნუეფიშ რსხუშ გერგეზი.