ალბერტ სენტ-დიორდი: გინორთი გინოჯინეფს შქას

'''ალბერტ სენტ-დიორდი''' ([[უნგრული ნინა|უნგრ.]] Albert Szent-Györgyi; დ. [[16 ეკენია]], [[1893]], [[ბუდაპეშტი]], [[უნგრეთიშ ომაფე]], [[ავსტრია-უნგრეთიშ იმპერია]] — ღ. [[22 გჷმათუთა]], [[1986]], [[ვუდს-ჰოული (მასაჩუსეტსი)|ვუდს-ჰოული]], [[მასაჩუსეტსი]], [[ააშ]]) — უნგრალი-ამერიკალი [[ბიოქიმია|ბიოქიმიკოსი]], [[ნობელიშ პრემია]]შ ლაურეატი ფიზიოლოგიაშ დო მედიცინაშ დარგის 1937 წანას. ალბერტ სენტ-დიორდი რდჷ მაართა მენცარი, ნამუქჷთ აკეთჷ C ვიტამინიშ იზოლაცია დო დიგურუ ტრიკარბობჟეეფიშ ციკლიშ რეაქციეფი დო კომპონენტეფი. ალბერტ სენტ-დიორდი გურაფულენდჷ ზემელვაისიშ უნივერსიტეტის დო კემბრიჯიშ უნივერსიტეტის. გურაფაშ თებაშ უკულ მუშენდჷ დიო უნგრეთის, უკულ ბრიტანეთის დო უკულ [[ააშ|ამერიკა]]ს. სენტ-დიორდი მონაწილენდჷ [[მაართა მოსოფელიშ ლჷმა]]ს, [[მაჟირა მოსოფელიშ ლჷმა]]შ ბორჯის რდჷ ნაცისტეფიშ ოპონენტი. უნგრეთიშ თარობაშა კომუნისტეფიშ მულაშ უკულ, 1947 წანას ემიგრაციაშა, ამერიკაშა მიდართჷ. ალბერტ სენტ-დიორდი რდჷ შხვადოშხვა ჯილდოეფიშ დო პრემიეფიშ ლაურეატი. 1956 წანაშე რდჷ ამერიკაშ მენცარობაშ ერუანული აკადემიაშ მაკათური.