მიანმარი: გინორთი გინოჯინეფს შქას

'''მიანმარი''' ვარდა '''ბირმა''' (ედომუშამი ჯოხოდვალა – '''მიანმარიშ ოკათე რესპუბლიკა''') — სახენწჷფო [[ობჟათე-ბჟაეიოლი აზია|ობჟათე–ბჟაეიოლ აზიას]], მილარე [[ინდოჩინეთი|ინდოჩინეთიშ ჩქონიშ]] ბჟადალ ნორთის. ლათინურო იჭარუაფუ: ''Myanmar'', ''Burma''. ზიტყვა „'''მიანმა'''“ (ბირმ. [[ფაილი:Myanma.svg|မြန်မာ|30px]]) შანენს „ჩქარს“, „მანგარს“ დო გინმაბუნუ ზიტყვა „'''მია'''–ს“: — ზურმუხტი. ქიანაშ მახორობაშ ედომუშამი ჯოხოდვალა რე [[ბირმალეფი]], მახორობაშ უმენტაშობა იჯოხოდვალუაფუ — „ბამათ“ (ბირმ. [[ფაილი:Bama.svg|ဗမာ|30px]]).

მიანმა ოთანჯჷ [[ინდოეთი|ინდოეთის]] (1463 კმ) დო [[ბანგლადეში|ბანგლადეშის]] (193 კმ) ბჟადალშე, [[ჩინეთი]]ს (2185 კმ) ოორუე–ბჟაეიოლშე, [[ლაოსი|ლაოსის]] (235 კმ) ბჟაეიოლშე დო [[ტაილანდი|ტაილანდის]] (1800 კმ) ობჟათე– ბჟაეილშეობჟათე–ბჟაეილშე. ობჟათეშე დო ობჟათე–ბჟადალშე ომძღჷ [[ბენგალიშ ჸუჯი]] დო [[მოუტამაშ ჸუჯი]] (მარტაბანი), დო ხოლო [[ანდამანიშ ზუღა]]. ქიანაშ ფართობი, გოხოლუაშ კოკეფწკჷმა ართო, რე 678 ვითოში კმ², წყარპიჯიშ ღოზიშ სიგინძა რე — 1930 კმ.

ქიანაშ მახორობა რე '''50 მლნ კოჩი''', მახორობაშ ეთნიკური აკოდგინალუა: [[ბირმალეფი]] — 68 %, [[შანეფი]] — 9 %, [[კარენეფი]] — 7 %, [[არაკანალეფი]] — 4 %, [[ხანი (კათა)|ჩინარეფი]] — 3 %, [[ინდოარეფი]] — 2 %, [[მონეფი (კათა)|მონეფი]] — 2 %, შხვა — 5 %.