ჯოზაია უილარდ გიბსი: გინორთი გინოჯინეფს შქას

'''ჯოზაია უილარდ გიბსი''' ([[ინგლისური ნინა|ინგლ.]] Josiah Willard Gibbs; დ. [[11 ფურთუთა]], [[1839]], [[ნიუ-ჰეივენი (კონექტიკუტი)|ნიუ-ჰეივენი]], [[კონექტიკუტი]], [[ააშ]] — ღ. [[28 პირელი]], [[1903]], ნიუ-ჰეივენი, კონექტიკუტი, ააშ) — [[ამერიკალეფი|ამერიკალი]] [[ფიზიკა|ფიზიკოსი]], [[ქიმია|ქიმიკოსი]] დო [[მათემატიკა|მათემატიკოსი]]. უილარდ გიბსი, [[ჯეიმზ კლერკ მაქსველი]] დო [[ლუდვიგ ბოლცმანი]]წკჷმა ართო [[სტატისტიკური მექანიკა]]. უილარდ გიბსიქ გიმირინუ მაქსველიშ განტოლებეფი [[ფიზიკური ოპტიკა]]შ პრობლემეფიშ ეიონწყუმალო. მათემატიკაშ დარგის უილარდ გიბსიქ წჷმარინუ [[ვექტორული ანალიზი]]. ჯოზაია უილარდ გიბსი გურაფულენდჷ [[იელიშ უნივერსიტეტი]]ს, სოდეთ მიპალუ მენცარობაშ დოქტორიშ ხარისხი [[ინჟინერია]]ს. გურაფაშ თებაშ უკულ [[ევროპა]]შა მიდართჷ, სოდეთ სუმ წანას ქუდოსკიდჷ. ევროპაშ უკულ კინ ამერიკაშა დირთჷ დო მუშობა ქიდიჭყჷ იელიშ უნივერსიტეტის, სოდეთ 1871 წანაშე ღურაშახ, რდჷ [[მათემატიკური ფიზიკა]]შ პროფესორი. უილარდ გიბსი 1897 წანაშე რდჷ ლონდონიშ ომაფეშ ჯარალუაშ მაკათური. 1901 წანას უილარდ გიბსის, ომაფე ჯარალუაქ გინოჩჷ [[კოპლიშ მენდალი]], მენცარული რკვიებაშ გეშა, ნამუთ ორხველუდჷ მათემატიკურ ფიზიკას.