ედინბურგი: გინორთი გინოჯინეფს შქას

'''ედინბურგი''' რე— [[შოტლანდია|შოტლანდიაშ]] ნანანოღა. მახორობაშ მუდანობათ ედინბურგი შოტლანდიას ხვალე [[გლაზგო]]ს კჷნასქიდუ დო [[დიდი ბრიტანეთი|დიდი ბრიტანეთის]] თე ნოღას [[დიდი ბრიტანეთიშ ნოღეფი მახორობაშ მეჯინათ|მაშკვითა აბანი]] უკინებჷ. ნოღა ედინბურგიშ მუნიციპალური სხუნუ, რე შოტლანდიაშ 32 [[შოტლანდიაშ აბანობური თარობა|აბანობური თარობაშ]] [[შოტლანდიაშ ადმინისტრაციული მართუალა]]შ სხუნუშე ართ-ართი. ედინბურგიშ მუნიციპალური სხუნუშ ტერიტორიაშა ნოღა ედინბურგწკჷმა ართო მიშმურს, თიშ ელჷ-მოლჷს ჸოფილი ურბანული ტერიტორიათ, ედომუშამო 78 კმ².

ნოღა იდვალუაფუ ობჟათე-ბჟაეიოლ შოტლანდიას, [[ნორვეგიაშ ზუღა|ნორვეგიაშ ზუღაშ]] პიჯიშ ზოლს. ედინბურგის რე გჷშაკერძაფილი არქიტექტურა, მუშ გეშათ თე დოხორინი ევროპას ართ-ართი უსქვამაშ ნოღათ იკოროცხუ. თაქი იდვალუაფუ [[შოტლანდიაშ პარლამენტი]]შ ნოდგჷმი. შოტლანდიაშ ადმინისტრაციული ცენტრიშ ტერიტორიას რე [[ედინბურგიშ უნივერსიტეტი]]. ნოღა ირთუ ჟირი ნორთო [[ჯვეში ედინბურგი|ჯვეში]] დო [[ახალი ედინბურგი|ახალ]] ედინბურგო. [[1995]] წანას [[იუნესკო]]ქ თე ტერიტორია [[მოსოფელიშ მონძალა]]შ ობიექტეფიშ ერკებულშა მიშეჸონჷ. [[2009]] წანას ეჭარუაშ მოღალუთ, თაქ ოხორანდჷ 477,660 კოჩი.