ვახუშტი ბატონიშვილი: გინორთი გინოჯინეფს შქას

'''ვახუშტი ბატონიშვილი''' (ბაგრატიონი; დ. 1696, [[ქართი|ქართი]] — ღ. 1757, [[მოსკოვ|მოსკოვ]]), ქორთუ გეოგრაფ, ისტორიკოს დო კარტოგრაფ. ▼

ვახუშტი რდჷ [[ქართლი|ქართლიშ]] მაფაშ, [[ ვახტანგ VI| ვახტანგ VI-შ]] სქუა. [[ფრანგეფ|ფრანგ]] მეშარეშ, [[შარლ პეისონელ|შარლ პეისონელიშ]] ჩინებათ, მუშ ნანა ჭკორ ყაზახიშ სქუა ჸოფე. ▼

ვახუშტის [[ქორთულ ნინა|ქორთულწკჷმა]] ართო უჩქჷდჷ [[ფრანგულ ნინა|ფრანგულ]], [[ლათინურ ნინა|ლათინურ]], [[თურქულ ნინა|თურქულ]], [[ბერძნულ ნინა|ბერძნულ]], [[რუსულ ნინა| რუსულ]], [[სომხურ ნინა|სომხურ]] ნინეფ. 1717 წანას ვახუშტიქ ჩილო ქიმიჸონჷ მარიამ აბაშიძე. ვახუშტი აქტიურ პოლიტიკოს რდჷ [[ქართლიშ ომაფე|ქართლიშ ომაფეს]]. 1722 წანას, ვახტანგ VI-შ განჯას რინაშ ბორჯის, ქართლიშ ომაფეშ მანჯღვერო რდჷ დოტებულ. 1724 წანას ვახტანგ VI-ს ქაჸუნჷ [[რუსეთ|რუსონაშა]]. თაქ გათუ მუშ ისტორიოგრაფიულ ნახანდი „აღწერა სამეფოსა საქართველოსა“(„ეჭარუა ომაფეშ საქორთუოშ“), ნამუთ საქორთუოშ გობუნელ ისტორია რე უჯვეშაშ ბორჯიშე XVIII ოშწანურაშ მაართა გვერდშა. ვახუშტი საქორთუოშ პრობლემეფს უკავშირენს თელქიანაშ პრობლემეფს. ნახანდის გჷშაკერძაფილ აბან უკჷნებჷ საქორთუოშ პოლიტიკურ დო ეთნიკურ ართამობაშ იდეას.▼

ვახუშტი ბატონიშვილიშ ისტორიაშ მაართა პერიოდიშ წყუ რე „ქართლის ცხოვრება“ („ქართლიშ რინა), მაჟია წყუ უმოსო ორიგინალურ რე. ▼

ვახუშტიშ გჷმორკვიებაშ ართ-ართ თარ საგან რდჷ გეოგრაფია. მუქ მუჩეს საქორთუოშ ისტორიულ ტერიტორიაშ მაართა დეტალურ ეჭარილობა დო გეოგრაფიულ ატლასეფ. ვახუშტი ბატონიშვილიშ რუკეფს ავტორ შურდგმილ რდჷნ თეშ მაღალ შეფასება მეჩეს [[ევროპა|ევროპარ]] კარტოგრაფეფქ. თინეფქ გინოთანგილქ იჸუ ფრანგულ დო რუსულ ნინეფშა, გიმირინეს XVIII ოშწანურას აკოდგინელ ბრელ ევროპაშ რუკეფშო. 1752 წანას ვახუშტიქ რუსულშე ქორთულშა გინოთანგჷ „კუნტაპოლიტიკურ გეოგრაფია“ 27-რუკამ თელქიანაშ ატლასწკჷმა ართო, ნამუშათ მიშაღალირ რე თი ბორჯის ჩინებულ არძა ქიანა. ▼