კალიფორნიაშ უნივერსიტეტი (ბერკლი): გინორთი გინოჯინეფს შქას

'''კალიფორნიაშ უნივერსიტეტი (ბერკლი)''' ([[ინგლისური ნინა|ინგლ.]] University of California, Berkeley, კუნტაშე UC Berkeley, Berkeley, Cal, ვარ და California) რე ოჯარალე უნივერსიტეტი [[კალიფორნია]]შ ნოღა [[ბერკლი (კალიფორნია)|ბერკლის]]. უნივერსიტეტიქ დირსხუ 1868 წანას დო იკათუანს 14 კოლეჯის დო სკოლას. უნივერსიტეტი რე ამერიკული უნივერსიტეტეფიშ ასოციაციაშ დუმარსხუაფალი-მაკათური. უნივერსიტეტი ადმინისტრირენს ამერიკაშ გიშარჩქინელ ომენცარე ცენტრეფს: [[მათემატიკური მენცარობეფიშ რკვიებეფიშ ინსტიტუტი]]ს დო [[კოსმოსური მენცარობეფიშ ლაბორატორია]]ს. უნივერსიტეტიქ დარსხუ დო ასე ხოლო უღჷ მენცარული აფილიაცია სუმი ერუანული ლაბორატორიაწკჷმა: [[ლოურენს ბერკლიშ ერუანული ლაბორატორია]], [[ლივერმორიშ ერუანული ლაბორატორია]] დო [[ლოს-ალამოსიშ ერუანული ლაბორატორია]]. კალიფორნიაშ უნივერსიტეტიქ მიშეღჷ დიდი კონტრიბუცია ბრელი მენცარული პროექტიშ დორსხუაფაშა დო გოვითარაფაშა, [[მანჰეტენიშ პროექტი]]თ დოჭყაფილი დო ქიმიური ელემენტეფიშ ძირაფათ დო რკვიებათ, კომპიუტერული მენცარობეფით დო [[გენომიკა]]თ თებული. უნივერსიტეტი შინელი რე პოლიტიკური აქტივიზმით ხოლო დო თინა რდჷ 1960-იან წანეფიშ [[დუდიშული ზიტყვაშ ჸარაფი]]შ ცენტრი. უნივერსიტეტიშ სპორტული ბუნეფი დო სპორტსმენენეფი რენა ამერიკული ერუანული ჩემპიონატეფიშ გომორძგვილი. 223 სპორტსმენი რე ოლიმპიადეფიშ მედალისტი (ჸათავრეშე 121 ორქოშ მენდალი). კალიფორნიაშ უნივერსიტეტიშ (ბერკლი) კურსნათებუეფი რენა: [[ნობელიშ პრემია]]შ 114 ლაურეატი, ტიურინგიშ პრემიაშ 25 ლაურეატი, ვოლფიშ პრემიაშ 28 ლაურეატი, [[პულიცერიშ პრემია]]შ 30 ლაურეატი, [[ოსკარი]]შ ჯილდოეფიშ 19 გომორძგვილი, 25 მილიარდერი. უნივერსიტეტიშ კურსნათებუეფი რდეს შხვადოშხვა სახენწჷფოეფიშ ლიდერეფი, პოლიტიკოსეფი, დიპლომატეფი, გუბერნატორეფი. უნივერსიტეტიშ კურსნათებუეფქ დარსხუეს ტექნოლოგიეფიშ დარგეფიშ ლიდერი გლობალური კომპანიეფი: [[Apple]], [[Tesla, Inc.]], [[Intel]], [[eBay]], [[SoftBank]], [[AIG]], [[Morgan Stanley]] დო შხვეფი.