ჟოზეფ-ლუი ლაგრანჟი: გინორთი გინოჯინეფს შქას

ლაგრანჟი გურაფულენდჷ ტურინიშ უნივერსიტეტის. რდჷ ტურინიშ არტილერიაშ სკოლაშ პროფესორი. 1766 წანას [[ლეონარდ ეილერი]]შ დო [[ჟან ლერონ დ’ალამბერი]]შ რეკომენდაციათ, ლაგრანჟი გეირჩის პრუსიაშ მენცარობეფიშ აკადემიაშ მათემატიკაშ დეპარტამენტიშ დირექტორო. ჸათე პოზიციას ლაგრანჟიქ იმუშუ 20 წანას. ჸათე პერიოდის ლაგრანჟიქ გჷმაბჟინუ შხვადოშხვა მენცარული ნახანდეფი დო მიპალუ საფრანგეთიშ მენცარობეფიშ აკადემიაშ ჯილდოეფი. 1788 წანას გჷმობჟინაფილ წინგის "''ანალიტიკური მექანიკა''", კლასიკური მექანიკაშ დარგის, XVIII ოშწანურაშ ართ-ართი თარი ფუნდამენტალური ნახანდი რე. უკულიან წანეფს წინგის მოჩამილ მენცარულ რკვიებეფს, გიარსხუ მათემატიკური ფიზიკაშ გოვითარაფაქ. 1787 წანას, 51 წანერ ლაგრანჟიქ, ოცხოვრებშა დო ომუშებუშა პარიზიშა გინილჷ დო მალას გინირთჷ საფრანგეთიშ მენცარობეფიშ აკადემიაშ მაკათურო. საფრანგეთის ლაგრანჟი მუშენდჷ პარიზიშ უმაღალაში ნორმალური სკოლაშ დო პოლიტექნიკური სკოლაშ პროფესორო.

 

 

==ჯილდოეფი==