ემბრიოლოგია: გინორთი გინოჯინეფს შქას

'''ემბრიოლოგია''' რე [[ბიოლოგია]]შ დარგი, ნამუთ გურაფულენს [[ორგანიზმი]]შ ფორმირაფაშ პროცესეფს, ინდივიდუალური გოვითარაფაშ პერიოდის. ტერმინი ემბრიოლოგია ბერძენული რე: ἔμβρυον, embryon, "ემბრიონი" დო -λογία, -logia "მენცარობა", "მონძღვარუა". ემბრიოლოგიაშ, მუჭოთ მენცარობაშ გოვითარაფაშა დიდი თია მიშეღჷ გერმანალი ნატურალისტიქ დო ბიოლოგიქ [[კარლ ერნსტ ფონ ბერი]]ქ, ნამუსჷთ ემბრიოლოგიაშ დუმარსხუაფალ-მუმას უძახჷნა. ემბრიოლოგიაშ გეშა ნაჭარეფს შეთმოფხვადუთჷ ჯვეში ეგვიპტეშ, ჯვეში ინდოეთიშ, ანტიკური საბერძნეთიშ პერიოდეფიშ ტექსტეფს. [[არისტოტელე]]ქ წჷმარინუ თეორია, ნამუსჷთ [[ეპიგენეზი (ბიოლოგია)|ეპიგენეზის]] უძახჷნა. ჸათე თეორიაშ მეჯინათ [[ჩხოლარეფი]], [[ჩანარეფი]], [[სოკოეფი]] თასიშე, კვერცხიშე დო სპორეფიშე ივითარებუნა დო გოვითარაფაშ ახალ, შხვადოშხვა ეტაპეფს მუკმულა.