დიდგორიშ ლჷმა: გინორთი გინოჯინეფს შქას

სელჩუკეფს ართუკიდ [[ნაჯმ ად-დინ ილღაზ|ნაჯმ ად-დინ ილღაზი]] უნჩაშენდჷ, ნამუსჷთ დიდ ჯოხო უღუდჷ ჯვაროსანეფწკჷმა ლიმას. მუსულმანეფიშ ჯარ არაბულ, თურქულ დო სპარსულ წყუეფით 100-150 ანთას, ქორთულ, ევროპულ დო სომხურ წყუეფით 600-800 ანთას. მოკავშირეეფიშ გეშკუმალა კაპინერ ოკო ჸოფედკო. ათიშენ აკოშაყარეს უჯგირაშ ცხენამ ჯარიშკოჩეფ [[ეგვიპტე|ეგვიპტეშე]] [[კავკაცია|კავკასიაშახ]]. თურქულ კავალერია თიმ ბორჯის უმანგარაშ სამხედრო ძალა რდჷ. დავით მაანთხას 56 ანთას ჯარიშკოჩ ჸუნდჷ. თაურეშე 40 ანთას [[ქორთუ|ქორთუ]] რდჷ, 15 ანთას [[ყივჩაყეფ|ყივჩაყ]], 500 [[ოსეფ|ოს]] დო 300 [[ფრანგეფ|ფრანგ]] (ევროპარ). მუჭოთ რჩქჷნ, ლიმაქ თექ მოხვადჷ, სოდე ქორთუემქ დოგეგმესი. სამაფო ჯარიშ პოზიციეფ თექი რდჷ გამანგარებულ. ჯარიშ თარ ნაწილ, ნამუთ მაართათ ოკო შეხვალამედუკო ლიმას, დავით უნჩაშენდჷ. დოსქჷლადირ ნაწილ დავითიშ სქუაშ დემეტრეშ უნჩაშალათ გვალას რდჷ ტყობინელ დო თეურე ოკო გეუშკუმალუდუკო ტერშა. ლიმაშ დოჭყაფაშ წოხოლე ქორთუეფქ 200 ჯარიშკოჩი გუტეს ტერიშ ბანაკშა. მუსულმანეფს ინეფ მოღალატეეფ უჩქუდეს დო მუნეფიშ ბანაკშა მინაშკვეს, სოდე თინეფქ ტერიშ ჭყვიდუა ქიდიჭყეს. კოალიციურ ჯარიშ დონწყუალაქ აკიფაჩჷ. ათე ბორჯის ქორთუეფიშ ჯარქ ტერს ჟირ ხუჯშე ქიგიაშკჷ. ბჟადაალშე დავითიქ დო დიდგორიშ გვალაშე დემეტრექ მოლართჷ. ქორთჷ დო მუშ მახუჯალ ჯარიშკოჩეფქ წოხოლენ აზიაშ უჯგირაშ არმიას არაგვეს. ზისხერიშმაბუნალ ლიმაქ სუმ საათის გიზინდჷ. ილღაზიშ ჯარქ დემარცხჷ დო ინტჷ. ლიმა ათეთ ვაგათებე, ნტებულეფს ვარზენდეს თიშ საშუალებას, ქართშა დო დმანისშა მინულებდესკო. თხოზინქ 8 დღას გიზინდჷ. საქორთუოწკჷმა ლიმაქ მუსულმან სალდათეფიშ 90% შიწირჷ. ჭყოლირ ილღაზიქ მუზმარენ სარდალწკუმასარდალწკჷმა დო ეჩ სალდათწკუმა ართო ინტჷ.