ჰანიბალი: გინორთი გინოჯინეფს შქას

'''ჰანიბალი''', ბარკა (დ. [[ჯვ. წ. 247]] ვარა [[ჯვ. წ. 246]] — გ. [[ჯვ. წ. 183]]), [[კართაგენი|კართაგენიშ]] მხედართარი დო სახენწჷფო მოხანდე, კართაგენიშ საზოგადოებაშ წარჩინეფულეფიშ გვარიში. ჯგირი განათლება ქიმიღჷ, უჩქუდუ 4 ნინა. [[ჯვ. წ. 218]] წჷმიჭყჷ [[მაჟირა პუნიკური ლჷმა|II პუნიკური ლჷმა]], არძაშო ულებუო გინილუ [[ალპეფი]] დო მინიჭკირუ [[იტალია|იტალიაშა]]. მუდგაზმარენ მარწკინაია გომორძგუაფას მიოჭირინდუ ([[ჯვ. წ. 218]] წყ. ტიცინოწკჷმა, [[ჯვ. წ. 217]] ტრაზიმენუსიშ ტობაწკჷმა, [[ჯვ. წ. 216]] კანწკჷმა), მარა რომაალეფიშ წინააღმდეგობაქ იშენით ვატახუ. [[ჯვ. წ. 203]] ჰანიბალიქ დირთჷ [[აფრიკა|აფრიკაშა]], [[ჯვ. წ. 202]] ზამაწკჷმა (აფრიკა) ლჷმას რომაალეფქ დამარცხეს. [[ჯვ. წ. 201]] რომწკჷმა გედვალირი ხეკირილაფათ ჰანიბალი კართაგენს დუდენდუ. [[ჯვ. წ. 195]] ინტუ [[სირია|სირიაშ]] მაფაშა, [[ანტიოქე III|ანტიოქე III-წკუმა]] დო თიში სამხედრო ალმაჩამალო გინირთჷ. ანტიოქე III-შ დამარცხებაშ უკული რომაალეფქ მითხის ჰანიბალი, მარა თინქ ინტუ დო დუდი მითაფორუ არმენიას, უკული [[კრეტა|კრეტაშა]] გინორთუ, თეურე - [[ბითინია|ბითინიაშა]]. რომაალეფქ ბითინიარეფს ქუმოთხის რომიშ ოშკურანჯი ტერიშ ჰანიბალიშ გინოჩამა. ჰანიბალქ დუდი მიწამალუ. ფორილიე ლიბისას (ბოსფორიშ ევროპაშ ოძგაშეს), ქუაშ [[სარკოფაგი|სარკოფაგის]], ნამუსუთ გეჭარუ: "თაქ ფორილი რე ჰანიბალი".

 

 

==ლიტერატურა==