სოხუმი: გინორთი გინოჯინეფს შქას

'''სოხუმი''' ([[აფხაზური ნინა|აფხ]] Аҟәа აყუა,[[ქორთული ნინა|ქორთ]]. სოხუმი) [[ნოღა]] [[საქორთუო|საქორთუოს]], [[აფხაზეთიშ ავტონომიური რესპუბლიკა|აფხაზეთიშ ავტონომიური რესპუბლიკაშ]] [[ნანანოღა]], [[სოხუმიშ მუნიციპალიტეტი|სოხუმიშ მუნიციპალიტეტიშ]] ადმინისტრაციული ცენტრი. იდვალუაფუ [[უჩა ზუღა|უჩა ზუღაშ]] ელახ წყარპიჯის. ნოღაშ სტატუსიქ მიაჩჷ 1848 წანას. 1991 წანაშ კონფლიქტიშახ სოხუმი [[საქორთუო|საქორთუოშ]] ართ-ართი მაჸონაფალი ოტრანსპორტე (ოზუღე პორტი, რკინაშარაშ ვაგზალი, აეროპორტი), კულტურული დო ოკურორტე-ტურისტული ცენტრი რდჷ. 1991 წანაშ მუნაჩემეფით, ნოღას ოხორანდჷ 120,000 კოჩი, 2010 წანაშ მუნაჩემეფით - 39,100 კოჩი.

 

 

სოხუმი გეკიდილიე უთარაშო [[წყარმალუ|წყარმალუეფიშ]] [[გუმისთა|გუმისთაშ]] დო [[კელასური|კელასურიშ]] თუდოლენი მალუეფიშ შქას ნადველჷ რზენ-დჷკის, ოდო თიში ოჩხანე-ელახ თია — წყარმალუეფს [[ბესლეთი|ბესლეთიშ]] დო კელასურიშ შქას დვალირი ინწრო ძგა რზენ-დჷკის. ნოღაშ დოხორინი იფაჩუ გა-სუკეფს, ნამუეფჷთ ზუღაპიჯიშ დჷკის ოორუე-ელახჷშე ომძღჷ. სოხუმიშ ფართანობა 23,3 კმ².