ბასკეფი: გინორთი გინოჯინეფს შქას

▲ბასკეფქ მუნეფიშ ჯოხო Euskaldunak ეჭოფეს ზიტყვაშე Euskara - მუნეფიშ ნინაშ ჯოხოდვალა. ტრადიციული ბასკური კულტურა რეგიონიშ ურბანიზაციაშ დო ინდუსტრიალიზაციაშ რდუალაშ გეშა რკებადიე. ორეწველე ნოღეფიშ უმენტაშობას ხვალე ბასკური წეს-ადათეფი ვარინ, ბასკური ნინა ხოლო გოჭყოლიდაფას მითმიაჩამუ. ბასკური ნინაშა ჯინჯიერო იჩიებუნა მაღალგვალამი შორეულ რეგიონეფს, მარა მა-20 ოშწანურაშ ლიას დახე არძა ბასკი რაგადანდ ესპანურო ვარა ფრანგულო.

▲დიდი ხანი რე არსებენს რსიმა, ნამდა ბასკეფი გენეტიკურო ზოხორინელი კათა რენან. გოფაჩილიე მორსიმაფა, ნამდა ბასკეფი უნათესუანა იბერიულ-კავკასიურ ნაციეფს, კერძოთ - ქორთუეფს. მუჭოთ ბუნას, თინეფს უღუნა არძაშე მაღალი პროპორცია რეზუს-ვარჸოფილი ზისხირიშ ევროპას (25%) დო ართ-ართი არძაშე მაღალი პროცენტი O-ტიპიშ ზისხირიშ (55%).

▲ტრადიციულო ბასკეფი ამუშენდეს მორჩილი ზჷმაშ მინდორეფს იზოლირებულ გვალამი რეგიონეფს, თექ სოდეთ თინეფი ასე ოხორანან. ოხორინალეფი გორანწკილიე მორჩილი ბუნეფო, ნამუეფუთ ქიმინუნა ოფუტეეფს, ვარა გოფაჩილი რენა მაღალგვალამი ზონეფს. ოხორინალი (ჸუდე, მინდორი დო ფანია) რე არძაშე მენორსამი სოციალური ართური. სოციალური ორგანიზაციაშ თე ფორმა თხილერი რდჷ ტრადიციული კანონით მონძეობაშ გეშა, ნამუთ აწესრიგენდჷ ურთიერთობეფს, ნამუშ გეხ ედომუშამი ღჷმალა გჷშმეშჷ ართ მონძეშა. ტრადიციული ბასკური კულტურა გერცხილი რდჷ თე ინდივიდუალურ ოხორინალეფს, ნამუეფსუთ ჯოხოდ caserios. იზოლირებულო რინაშ ათეშნერი წესიქ გოპიჯჷ ფანიაშური სოლიდარობაშ ნძალიერი ღიაბი, ნამუთ მუშ ჸურე გუთმოხურგანს სინძალიერეს დო შურდგუმაშუნარალას ბასკური ნინაშ, კულტურაშ დო კოლექტიური იდენტურობაშ.

▲ბასკეფი დიდი ხანი რე აქტიურენა მუნეფიშ ნინაშური დო კულტურული ალობეფიშ ოთხილარო, დახე რომიშ იმპერიაშ დოთებაშ პერიოდიშე. მა-20 ოშწანურას, ციქა ხანით ([[1936]]-[[1937|37]] წწ) ბასკურქ ქიმიოჭირინუ ოფიციალურ აღიარაფას [[ბასკეთი|ბასკეთიშ]] ავტონომიური მართველუაშ ფორმათ ესპანეთიშ ომენოღალური ლჷმაშ ბორჯის, მარა [[ფრანსისკო ფრანკო|ფრანკოშ]] მართველუაშ პერიოდის თე ავტონომიურობაქ მედინჷ. [[1975]] წანას, ესპანეთის მონარქიაშ ეკონწყუალაშ შვანს, ბასკეფქ გაგინძორეს ჟინჭირა ესპანეთიშ თარობაშ დო [[1978]] წანას კინე ქიმიღეს ავტონომიაშ ალობა, სოდეთ ესპანურქ დო ბასკურქ ოფიციალურ ნინეფო გეგმიცხადჷ.

▲ათექ გაგშეჭანუ უმოსი დუდიშალა დინახლენური მართველუას, მარა ვა დაბაღინუ უმოსი ექსტრემისტული მოთხუალეფიშ მაღვენჯი ორგანიზაციეფი, მაგალითო, ETA - Euzkadi Ta Azkatasuna (”ბასკური ოდაბადე დო დუდიშალა”), ნამუთ ლჷმენს ბასკეთიშ მუშითმართველუაშ დო ესპანეთიშე გჷშართუალაშო. ეტა-შ ხანგინძე გოლინაშ დო საქვარუაშ გეშა რთული ურთიერთობეფქ იჸონდინჷ ბასკეფს დო [[ესპანარეფი|ესპანარეფს]] შკას.