აცტეკეფი: გინორთი გინოჯინეფს შქას

▲აცტეკეფიშ ოდაბადურ ნინაშე_ნაუატლიშე სიტყვა ,,აცტეკა" სიტყვა-სიტყვათ ნიშნენს ,,მიდგარენი აცტლანაშე", ენა მითოლოგიურ აბან რდჷ სოდგარენ ოორუეს. სიტყვას, ნამუთ ასე გიმირინუანა ტერმინ ,,აცტეკეფი", ნამუთ აართიანენს კათეფს, ნამუთ ართიანწკჷმა მერსხილი რდეს ვაჭრობათ, წესეფით, რელიგიათ დო ნინათ, მაართათ დაკვიდრეს [[ალექსანდრ ფონ ჰუმბოლდტი|ალექსანდრე ფონ ჰუმბოლდტიქ]] (Alexander von Humboldt) დო მავითოჩხორო ოშწანურაშ მექსიკარ მენცარეფქ, გაგშუსხუნდესკო ართიანშე ასეიან მექსიკარეფი დო ჯვეშ ინდიარეფი. აცტეკეფი მუნეფიშ დუს უძახჷდეს ,,მეშიკა", ვარდა ,,ტენოჩკა" დო ,,ტლალტელოლკა".

▲სიტყვა ,,მეშიკა"_ს, სოურეშე მოურს ტერმინი ,,მექსიკა", შხვადოშხვანერო ნწყუნა. ნაიატლიშ ნინაშე თენა ნიშნენს ,,ბჟას", ათე ჯოხო ჯოხოდჷ აცტეკეფიშ უნჩაშის_მეშიტლი, (მეკსიტლი, მეკშტლი), თე ჯოხო ჯოხო წყარიშ მაფალუს ხოლო, ნამუთ ტესკოკოშ ტობას ირდუნ. არძაშ უმოს ჩინაფილ თარჯიმანი ნაიატლიშ ნინაშ_მიგელ ლეონ-პორტილია (ესპ. Miguel León-Portilla) ნ მუჭო, თე სიტყვა ნიშნენს ,,გვერდ თუთას"_სიტყვაშე ,,მეტცტლი" (მეკსტლი, მეცტლი, მეშტლი, მეტჩტლი_თუთა) დო ,,ხიჩტლი"(გვერდი). მუნეფიშ ჯოხო-,,ტენოჩკი", შილებე მოურდას ხოლო ართ ლეგენდარული უნჩაშის ტენოჩაშ ჯოხოშე.