ბრონზეშ ხანა: გინორთი გინოჯინეფს შქას

[[ფაილი:Bronze age weapons Romania.jpg|thumb|200px|ძიმძიმიშბრინჯაოშ ფარანიშ ანჯარეფი დო ორნამენტეფი]]

'''ძიმძიმიშბრინჯაოშ ფარანი''' — ჯარალუაშ გოვითარაფაშ ისტორიულ–კულტურული პერიოდი, მუჟამსით ოლჷმარი დო ომუშებელ ანჯარეფიშ ოხაზირაფალი მოღე ჯინჯიერო რდჷ [[ძიმძიმიბრინჯაო]]. ძიმძიმიშბრინჯაოშ ფარანც წოხოლე აწმულუანდჷ [[ენეოლითი]].

ძიმძიმიშბრინჯაოშ ფარანი საგებიოშ შხვადოშხვა ტერიტორიას შხვადოშხვა პერიოდის ფორუნდჷ. ძიმძიმშბრინჯაოშ უჯვეშაში (ჯვშ. წ. IV ანთასწ.) ნოხაზირუ გჷთოგორილიე ობჟათე [[ირანი|ირანს]], [[თურქეთი|თურქეთის]] დო [[შქაწყარმალონა|შქაწყარმალონას]]. ჯვშ. წ. IV ანთასწ. დუდშე ბრინჯაოქ გიფაჩჷ [[ეგვიპტე]]ს, III ანთასწანურაშ ლიაშე – [[ინდოეთი|ინდოეთის]], II ანთასწანურიშე – [[ევროპა]]ს, II ანთასწანურაშ შქახანიშე – [[ჩინეთი|ჩინეთის]]. [[ამერიკა]]ს ძიმძიმიშბრინჯაოშ ფარანც ზოხორინელი ისტორია უღუ; თექ მეტალურგიული ცენტრი [[პერუ]]შ დო [[ბოლივია|ბოლივიაშ]] ტერიტორიას რდჷ (VI-X ოშ. თ. გ. გვიანი [[ტიუანაკოშ კულტურა]]). ცენტრალური [[აფრიკა]]ს ძიმძიმიშბრინჯაოშ ხაზირაფაშ ზოხორინელი კერიეფი ოკო ეშაფალედჷკო ვართ უგვიანაშ ჯვშ. წ. I ანთასწანურაშ.

ძიმძიმიშბრინჯაოშ ფარანც გიშაკერძაფილო გჷმირჩქინჷ დუდი ისტორიული გოვითარაფაშ ვაართმანგუობაქ. [[ხოლოშ ელახი]]შ ქიანეფს ([[შქაწყარმალონა]], [[ელამი]], [[ეგვიპტე]], [[სირია]]) ივითარებჷდ კლასობური ჯარალუეფი დო უჯვეშაში [[სახენწჷფო]]ეფი. ჯვშ. წ. III-II ანთასწანურეფს მახაზირაფუ მეურნეობაშ თე ცენტრეფიშ გალენთ გიფაჩჷ დო გიჭყჷ ახალი ცივილიზაციეფქ: [[ჰარაფიშ კულტურა]]ქ ინდოეთის, [[ინიშ სახენწჷფო]]ქ ჩინეთის, [[ხური-მითანი]]შ, [[ხეთეფი]]შ დო შხვ. სახენწჷფოეფი [[წოხოლენი აზია]]ს; [[კრეტა-მიკენიშ კულტურა]]ქ [[ევროპა]]ს.

[[ევრაზია|ევრაზიას]] უშანულამაში მეტალურგიული ცენტრი ძიმძიმიშბრინჯაოშ ფარანც რდჷ [[კავკაცია]]. ძიმძიმიშბრინჯაოშ ფარანი თაქ სუმ ეტაპო ირთუ: ორდოული (ჯვშ. წ. III ანთასწ.), შქა (ჯვშ. წ. II ანთასწ. I გვრდ.) დო გვიანი (ჯვშ. წ. II ანთასწ. II გვრდ.). კავკაციას ჷშმერთუგჷშმერთუ ორდოძიმძიმიშორდობრინჯაოშ ფარანიშ მუშობური მატერიალური კულტურეფი: კოლხეთიშ რზენც, ოორუე–ბჟადალ კავკაციას (თ. გ. [[მაიკოპიშ კულტურა]]) დო თ. გ. [[ტკვარ-არაქსიშ კულტურა]], ნამუთ ჯინჯიერო გოფაჩილი რდჷ ცენტრალური დო ელახ [[ამიერკავკაცია]]ს, ოორუე კავკაციაშ ელახ ნორთის, ანატოლიას, ოორუე ირანს.

შქა ძიმძიმშბრინჯაოშ ფარანც კავკაციას მუზმარენი ზოხორინელ კულტურა იქიმინუაფუ: [[თრიალეთიშ კულტურა|თრიალეთიშ]], [[სევან-უზერლიქიშ კულტრა|სევან-უზერლიქიშ]], [[თაზაქენთ-ყიზილვანქიშ კულტურა|თაზაქენთ-ყიზილვანქიშ]], ბჟადალ საქორთუოშ დო ოორუე კავკაციაშ კულტურეფი. ფირქენა, ნამუდა თე ბორჯის იქიმინუაფუდ ტომეფიშ დიდი რსხუეფი, ნამუეფისუთ თე კონკრეტული კულტურეფი მეურედჷ.

გვიანძიმძიმიშგვიანბრინჯაოშ ფარანიშ მოღეეფი კავკაციას ორგანულო არსხუაფუ მუჭოთ წჷმოხონი, თეშ უკულიანი პერიოდიშ ქილინჯეფს დო აკანური კულტურაშ გოვითარაფაშ ართ-ართ შანულამი ოკუჩხურს წჷმარინუანს. გვიანძიმძიმიშგვიანბრინჯაოშ ფარანც კავკაციას მოხვადჷ დიდი სამეურნეო დო სოციალურ-პოლიტიკური ყარაფიქ. ოწარმე ნძალეფიში დო წარმებაშ მეშქაშალაშ გოვითარაფაშ ართ–ართი ჯინჯიერი რეზულტატ რდჷ [[რკინა|რკინაშ]] კჷლაგორუა დო ემუშორაფა (ჯვშ. წ. II ანთასწ. ლია), მუქუთ რევოლუციური როლი იღვენუჯარალუაშ გოვითარაფაშ ისტორიას. მოხვადჷ ხანდაშ მასუმა დონორთუაფაქ. [[ხელუანობა]]ქ გაგმერთჷ [[დიხასაქვარუა]]ს. გევითარჷ [[ვაჭრუა]]ქ. გიტომბარჷ [[მაართაჸოფილი თემური წყობილაფაშ|მაართარინელი თემური წყობილაფაშ]] აკოცუმაშ პროცესიქ, მიხაზირჷ ოსხირქ კლასობური ჯარალუეფიშ ჸონდინაფაშ დო სახენწჷფოეფიშ გოჭყაფაშო.

[[კატეგორია:ძიმძიმიშბრინჯაოშ ფარანი|*]]