ლავრენტი ბერია: გინორთი გინოჯინეფს შქას

'''ლავრენტი ბერია''' [რჷსულო: ''Лаврентий Павлович Берия''] (დებადჷ 1899 წანაშ 29 მარტის - დოღურჷ 1953 წანაშ 23 ქისეთუთას) რდჷ სხუნუშ პოლიტიკურ დო საზოგადო მაქვენჯჷ, სხუნუშ აკოკათუაშ მარშალჷ (1953 წანას მიდუღეს თე წოლება). 1938-1945 წანეფს რდჷ დსოკ-ოშ თარჷ. ოხოლუდჷ სტალინიშ უხოლაშ ქართას დო მონაწილენდჷ სტალინიშ რეპრესიეფს, მარა თეწკჷმა ართო უკანონოთ რეპრესირებულეფიშ რეაბილიტიაციას ხოლო უნწყუნდჷ ხეს. კურირენდჷ დაცვებელ წარმებაშ დუდჷ ჸალეფს დო ატომურჷ იარაყიშ წარმებას.

სტალინიშ ღურაშ უკულ გედიდარჷ ბერიაშ პილიტიკურ როლქ. ბერიაქ ქჷდიჭჸჷ ლიბერალიზაციაშ კუნტა კამპანია, მარა მალას ოჭოფეს დო ქჷგიაბრალეს ნწყიმარალა, ხეშუულაფაშ უზურპაციაშ ცადა დო შხვა ბრელჷ უბადო საქვარჷ. სსრა-შ უმაღალაშ სასამართლოშ გინოჭყვადილაფათ, 1953 წანაშ ქისეთუთას ლავრენტი ბერია დორხვეს (მუშ სქუაშ, სერგო ბერიაშ ვერსიათ ბერია, ჭოფუაშ უკულ, ხეთე დორხვეს 1953 წანაშ კვირკვეს, მარა თე ინფორმაცია ვედასტურებჷ დოკუმენტეფით, ნამუთ დიო ხოლო თელას ვა რე გონწყუმილჷ).

კანკალე ფირქენს, ნამდა ბერია რდუა სტალინიშ ღურაშა გამამინჯე. 1993 წანას გიშაშკუმალირჷ, ვჷაჩესლავ მოლოტოვიშ მემუარეფს ჭარჷ, მუჭოთ ბერიას ინuფუცქინაფჷ მოლოტოვშა: „თინა მა ჩეფრთხინევა.“

=ცხოურებაშ ისტორია=

დებადჷ სოხუმიშ რაიონიშ სოფელ მერხეულს, გაჭირებულჷ ყაზაყიშ - პავლე ხულაშ სქუა ბერიაშ (1872 - 1922) ფანიას.[3] 1915 წანას გათუ სოხუმიშ უმაღალაშ ტექნიკურ ოგურაფუ, თეშ უკულ ლავრენტიქ მიდართჷ ბაქოშა დო გემშართჷ ბაქოშ ოშკაშურ მექანიკურ ტექნიკურ ოგურაფუშა. 17 წანაშე ეთმიჯუმუანდჷ დიდას დო მუშ ჸუნგა დას, ნამუქით გეგნორთეს ბაქოშა.

1917 წანაშ მარტის ბერიაქ ბაქოშ ოგურაფუს ქჷდარცხუ ბოლშევიკურჷ ორგანიზაციაშ ჸა. 1919 წანაშ მარტშე აზერბაიჯანს სხუნუშ ხეშუულაფაშ დორცხუაფაშახ (1920 წანაშ აპრელჷ) ბერია ხემანჯღვერენდჷ ტექნიკოსებიშ კანონგალე ორგანიზაციას. 1919 წანას ლავრენტი ბერიაქ ჯგირო გათჷ ტექნიკურ ოგურაფუ დო გეჭოფჷ ტექნიკოსიშ დიპლომი.

საქორთუოშ მენშევიკურ ხეშუულაფაშ წჷმემარინჯალაშ გურშენ ოჭოფეს დო ქჷდახუნუეს ქუთეშიშ ჯიხას. 1920 წანაშ არგუსოს, პოლიტიკურ არესტანტეფიშ ბუნტიშ მონწყუალაშ უკულ გინორალეს საქორთუოშ ხურგიშ გალე.

თეშ უკულ ბერიაქ დირთჷ ბაქოშა დო ოგურაფშა გემშართ ბაქოშ პოლიტექნიკურ ინსტიტუტშა.

1921 წანას სხუნუშ აკოკართუაშ კომუნისტურ პარტიაქ ბერია გუტუ ჩეკისტურ სამუშაშა. 1921-შე 1931 წანაშა ბერია მუშენდჷ რაზვედკაშ დო კონტრაზვედკაშ ხემანჯღვერულ პოსტებს.

ჩეკას დო გრუს მუშენდუნჷ თეშ ბერია აქტიურო მონაწილენდჷ მენშევიკეფიშ, დაშნაკეფიშ, მესავატისტეფიშ, ტროცკისტეფიშ და ხურგიშგალენ აგენტურაწკჷმა დო შხვა კათაწკჷმა ლიმას, ნამუთ ურცილუდეს ბოლშევიკეფს.

1931 წანაშ გერგებათუთას ბერია გინიჸუნეს პარტიულ სამუშაშა - გიშაგორილ რდჷ საქორთუოშ კომუნისტურ პარტიაშ ცენტრალურ კომიტეტიშ დუდმახვენჯო დო თაურენ-კანკაციაშ კრაიკომო.

1938 წანაშახ ბერია კავკაციას მუშენდჷ, მარა უკულ გეგნიჸუნეს მოსკოვშა. 1938 წანაშ 22 არგუსოს ბერია დოშანეს ნ.ი.ეჟოვიშ (სსრა-შ დინახალენ საქვარიშ ოკათე კომისარიატიშ) დუდ გაამთ. 29 ეკენიაშე რე დსოკ-იშ უშკურანჯალაშ დუდჷ ორთინაფუშ თარჷ. 25 გერგებათუთაშე თირანს ეჟოვს ოკათე კომისარიშ პოსტის. 1939 წანაშ 22 მატშე რე პოლიტბიუროშ მახულუობაშ კანდიდატჷ.

მაჟია ოდუნიე ლიმაშ წანეფს, 1941 წანაშ 30 კვირკვეშე რე თევდაცვაშ სახელწჷფო კომიტეტიშ მახოლჷ დო 1944 წანაშ 16 მესშე თევდაცვაშ სახელწჷფო კომიტეტიშ დუდმახვენჯიშ სეკრეტარჷ. ბერია ხოლო რდჷ ურიულ ანტიფაშისტურ კომიტეტიშ ინიციატორ დო კურატორჷ.

1946 წანაშ 18 მარტშე ბერია გჷნირთჷ პოლიტბიუროშ მაკათურო, ანუ მიშმურს ქიანაშ უმაღალაშ თარეფიშ სიაშა. სსრა-შ უმაღალაშ სხუნუშ 1943 წანაშ 30 ეკენიაშ უკაზით ქჷმეჩეს სოციალისტურ ხანდაშ გერგეზიშ წოლება.

1945 წანაშ 9 კვირკვეს, ლავრენტი ბერიას ქჷმეჩეს სხუნუშ აკოკართუაშ მარშალიშ წოლება. 1949 წანას ქჷმეჩეს სტალინიშ პრემია ”ატომურ ენერგიაშ წარმებაშ დო ატომურ იარაყიშ გამოცდაშენ.”

=ფაქტებფჷ=

ბერიას მიკაჭარანა ფრაზას, ”მილიონეფით ვაჸვილუნქუნ თიმწკჸმა, კათას იდეეფ ურჩქინდუ.”

ბერიას გითმიაბრალენა, სექსუალუღ მანიაკ რდუა დო მიკაჭარანა მიარო სადო-სექსუალურ აქტებს.