რიონი: გინორთი გინოჯინეფს შქას

'''რიონი''', '''რიონწყარ''' ([[ქორთულ ნინა|ქორთულოთ]]: რიონი)– [[ბჟადალუ საქორთუო|ბჟადალუ საქორთუოშ]] ირიშენ უდიდაში წყარმაალ. გინძანობა 327 კმ, აუზიშ ფართანობა 13 400 კმ². დუდ–გეჭყაფუ უძუ [[კავკასიონი|კავკასიონიშ]] ოჩხანე კართეს, [[ფაშიშ–თა|ფაშიშ–თაშ]] გოლას, [[რაჭა–ლეჩხუმ–თუდონ შონე|რაჭა–ლეჩხუმ–თუდონ შონეშ]] რეგიონიშ [[ონიშ მუნიციპალიტეტი|ონიშ მუნიციპალიტეტის]]. ზოღაშ ეშე 2960 მ. [[უჩა ზოღა|უჩა ზოღას]] აკათუ [[სამარგალო-ჟინ შონე|სამარგალო-ჟინ შონეშ]] რეგიონიშ ქნ. [[ფუთი|ფუთიწკუმა]]. [[ქუთეში|ქუთეშშახ]] რიონწყარ მეურს ტომბა დო ფართო რობუს. წყარპიჯის ბრელ რე ოფუტეეფი, ბინეხეფ, ყვანეფ დო გეთასულეეფ. მელე–მოლე პიჯის მიკუძჷ ჭალე. ალპანაშ ოფუტეწკუმა რიონ ურთანს ოჩხანეყურე დო დინოყუნს ჭჷფე დო ინწჷრო რობუს, ხვალოთ ექი–აქოთ იფართანებჷ. ქუთეშიშ უკულ, [[კოლხაშ ზენი|კოლხაშ რზენშა]] გჷშურს გოფაჩილოთ, მელე–მოლე კინე ელაყუნს ფართო ჭალეეფი, ირთუ ბრელი ყათჸათ დო გჷშაკიდუნს ანდა ჭიჭე კოკის.

ოფუტე [[ვარციხე|ვარციხეწკჷმა]] ურთანს ბჟადალუყურე დო თაში გეწურაფილოთ უჩა ზოღაშახ, სოდეთ მიშაკათაფუწკუმა გიშაკიდუნს მუსხითგარენი მორდილი კოკისინ. გიშაკერძაფილოთ ფართო რე რიონ ვარციხეშენ ბაშიშ ოფუტეშახ, სოდეთ ბრელ ყათჸათ ირთუჷნ. ბაშიშ უკული ისხი ყაჸა ვა უღჷ. საჯავახოშჯავახონაშ ოფუტეშ თუდო კალაპოტი იღიროკუ. თე ნოკვათუს უჩქჷ ჭიჭე ნაღალუ ტობეფ. წალენ კალაპოტის რიონ ეშაყუნს ხეთქიმინელი ჯებირეფს დო ხურგეფშქას ბჟადალუშ ქარეფიშგურშენი.