ქორთული ნინა: გინორთი გინოჯინეფს შქას

 

ომენცარე ლიტერატურას შხვადოშხვა არზეფ რე ქორთულ ნინაშ დიალექტეფიშ კლასიფიკაციაშე. [[აკაკი შანიძე|აკაკი შანიძე]] გჷშართჷნს ამშვ დიალექტურ ბუნას: 1. ფხოურ: ხევსურულ, მოხეურ, თუშურ; 2. მთიულურ-ფშაურ; 3.ქართლურ-კახურ; 4. ბჟადაალურ ბუნა : იმერულ (ჟიმოლენ, შქაშ დო თუდოლენიმერულეფ), გურულ დო რაჭულ; 5.ობჟათე-ბჟადაალურ ბუნა: აჭარულ დო იმერხეულ; 6. ინგილოურ.

[[შოთა ძიძიგური|შოთა ძიძიგური]] გჷშართჷნს ხუთ დიალექტურ ბუნას: 1. ინგილოურ, ფერეიდნურ; 2. თუშურ, ფშაურ, ხევსურულ, მთიულურ, გვალარაჭულ; 3. კახურ, ქართლურ, მესხურ; 4. ჟიმოლენიმერული, თუდოლენრაჭულ, თუდოლენიმერულ; 5. გურულ, აჭარულ, იმერხეულ.

[[არნოლდ ჩიქობავა|არნოლდ ჩიქობა]] ქორთულ შურდგჷმილ ჩიებას გვალაშ დო რზენიშ ჩიებათ რთჷნს. გვალაშ კილოეფ რე: ხევსურულ, თუშურ, ფშაურ, მთიულურ (გუდამაყრულ), მოხეურ, რაჭულ. რზენიშ კილოეფ რე: ქართლურ (მესხურ-ჯავახურით), კახურ (ქიზიყურით, ინგილოურით დო ფერეიდნურით), იმერულ (ლეჩხუმურამო), გურულ, აჭარულ, იმერხეულ.

[[გივი ნებიერიძე|გივი ნებიერიძე]] ამშვ დიალექტურ ბუნას გჷშართჷნს: 1. გლოლურ, გვალარაჭულ; 2. ქართლურ, კახურ, ქიზიყურ, თიანურ, ჟიმოლენ აჭარულ; 3. ხევსურულ, მოხეურ, მთიულურ-გუდამაყრულ, ფშაურ, ინგილოურ, ფერეიდნურ; 4. ჟინ დო შქაიმერულ, ლეჩხუმურ, თუდონრაჭულ დო იმერხეულ; 5. თუდომ იმერულ, თუშურ; 6. გურულ დო აჭარულ.