ვიკიპედია:ოჩაიე: გინორთი გინოჯინეფს შქას

დინორექ დილასჷ დინორექ ქეგიაძონუ
→‎მუმალი სტრატეგია: ახალი სექცია
ღოზი 364:
 
ბოშეფი, სტატიეფიშ მუდანობათ წოხოლე-წოხოლე მეურთუნი ვარე გლახა, მარა ვაუჯგუნო მერკე-მერკე სტატიეფს ვიკიშ ხარისხშე დო სიტომბაშე იფიფქრათჷნი (შხვა ხარისხიშ ოზჷმაია კრიტერიუმი ვარე იშენი დიო)? :) ჩქინი ასეიანი რესურსეფით იშენი ვეკმაჭიშენა დიდი ვიკეფშა დო იდეა ხო ეკოჭიშაფა ვარე? იდეა რე თე ვიკიქ დარსხუას ბაზისი უკულიანი სტანდარტიზაციაშო დო მით თაქ იხანდჷნი ჭარალური ნინა გაუჯგუშასჷნი. 10 000 სტატიას მისხუნუ, მარგალური ვიკის სიტომბა ქოუღუდასჷნი :) დო თენა მეჭირნაფაია რე დიო ხოლო, სოიშახ ვიკი გეფშაფუ მიარე კუნტა-კუნტა მერკე სტატიეფით :) მაგალთო, გებჭოფათ თე სტრატეგია, წანაშო სიტომბა ქეშაბრაჸათ 100-შა დო 3-წანაშა გინიბრთათ არძოშ უმოს ტომბა ვიკო :D [[User:Kilavagora|კილავაგორა]] — 00:21, 27 კვირკვე 2012 (GET)
:ჯგირი თემა წჷმოჭკჷრი, [[User:Kilavagora|კილავაგორა]], ჩქიმ არზეფს ხოლო ქობთქუანქ. ჯგირი იჸიდჷ, ირო დიდი სტატიეფი ქიჭარუდას, მარა ნამთინი ვიკი ვარე თეცალი, ჭიჭე დო მერკე სტატიეფი ვარდას ხვეიანონ ფერი, მუდგა გოვითარაფილი ნინა ვარდასჷნი დო მუდგა მინჯეამი ვიკი ვარდასჷნი. სიტომბას მუთ ოწაწჷნი, სტატიეფიშ სიდიდაწკჷმა ვარე სიტომბა მერსხუაფილი ართი გრამით ხოლო. სიტომბას ოკო ბრელი რედაქტირაფა, კატეგორიეფი, თანგეფი, სხუნუაშ ხასჷლეფი, მახვარებუეფიშ ხასჷლეფი. კუნტას, [http://meta.wikimedia.org/wiki/Wikipedia_article_depth ათაქ] რე სიტომბაშ გჷშაკოროცხალი ფორმულა. ჩქინი ღანკი ვარე დიდი ვიკეფიშ ეკოჭიშაფა, მარა უმოსი მაღალი აბანი უჯგუ რეიტინგის. თეწკჷმა, სიტომბა ვარე ვიკიშ ხარისხიშ თარი ინდიკატორი. ამარ მიპჸონანქ მუდგაზმარენ მაგალითის. არძოშ უმოსი სიტომბა უბლოკუ ვიკიპედიეფშე ამდღა უღუ [http://ee.wikipedia.org/wiki/Axa_do_%C5%8Ag%C9%94 ევეს], 252-ა აბანს გერე 290 სტატიათ დო სიტომბა უღუ 2382,9, მარა ქოძირი [http://ee.wikipedia.org/wiki/Special:LongPages სტატიეფიშ სიდიდა] :) 11,550 კილობაიტი რე არძოშე დიდი სტატია თე ვიკის. ჩქინ ვიკის 3,339 სტატიაშე 306 სტატია რე 10 კილობაიტიშ უმოსი სიდიდაშ, ვარე გვალო ბრელი, მარა გლახა ხოლო ვარე, ბჭიშჷთ მოძინას იშო-იშო :). [http://li.wikipedia.org/wiki/Veurblaad ლიმბურგიული] — 381 სტატია რე 7034-შე 10 კილობაიტიშ უმოსი, სიტომბა — 65,6. ოსური — 8702 სტატიაშე ხვალე 120 რე 10 კილობაიტიშ უმოსი სიდიდაშ, სიტომბა — 90,1, ამარი [http://os.wikipedia.org/wiki/%D0%A1%C3%A6%D1%80%D0%BC%D0%B0%D0%B3%D0%BE%D0%BD%D0%B4:%D0%94%D0%BB%D0%B8%D0%BD%D0%BD%D1%8B%D0%B5_%D1%81%D1%82%D1%80%D0%B0%D0%BD%D0%B8%D1%86%D1%8B დიდი სტატიეფიშ ერკებული]. რიპუარული — 2609 სტატიაშე არძოშე დიდი რე 54 319 კილობაიტამი, 10 კილობაიტიშ უმოს დიდი სტატიეფი რე ხვალე 41! ამარი [http://ksh.wikipedia.org/wiki/Extra:Lang_Atikelle სტატიეფიშ ერკებული], სტატიეფიშ სიდიდაშე სარხოს ვარენა ჩქინწკჷმა, მუჭოთ რეიტინგიშ ოშურს გიმე მარენჯი ბრელი ვიკი. ბავარიული — 465 სტატია 10 კილობაიტშე უმოსი სიდიდათ 5585 სტატიაშე, სიტომბა — 119,6. ფარერული — 141 სტატია 10 კილობაიტიშ უმოს სიდიდათ 5559 სტატიაშე (თენეფ ხოლო სარხოს ვარენა ჩქინწკჷმა), სიტომბა — 48,5. გვალო ბრელი ათეცალი მაგალითეფიშ მოღალა შილებე, თაშ ნამდა, '''ხვალე სიტომბაშე ორიენტირაფას''' დიდ არზის ვავორწყექ. რე თიცალი ვიკიპედიეფი ხოლო, სტატიეფიშ ზჷმაშე ხოლო ნორმალურო რე საქვარინი, მარა კატეგორიეფი, რედაქტირაფეფი, სხუნუაშ ხასჷლეფი დო თანგეფი ვარე დასაბაღო-და, სიტომბა ვარე დიდი. გოალჷქ, სიტომბაშა მაძინალი რე, მა ხოლო მუთ შილებენი მეტი სიტომბა მოკო, მარა ხვალე ეშე ვემუშებე ვიკის. უკული, ახალნარეგისტრირა მახვარებუეფშა ართუცფას ვამგათხუე სიტომბაშეთ დო დიდ სტატიეფშეთ იფირქასჷნი, უმეტაშობას აკმობორკჷნს დუდშე ნინაშ დო ტექნიკურ ოკითხეფიშ დასაბაღო რჩქინაშ სინორკე, მუთ ვარე გასაკვირი დო ჩქი ხოლო იბწვალებუდით დუდშე. ბოლოს, მუთუნ ნორმალურ სტრატეგიაშე რე ჩიება-და, თეშო ოხვილური რე რეგულარულო მოხანდე მუდგაზმარენი კოჩი, გვალო მინიმალურს ორთჷდანინ ხოლო. მაგალითო, მუჟამს 2-3 კოჩი მუშენს ირიათო დო შხვეფი გინმაფურინე მაფურინჯეფცალო სეზონურო მუშმულა-და, ირფელი ართათ ვეღოლინე ეცალ შვანც. {{(:D}} ეცალ შვანც ქოთ დიდ სტატიეფშე, ქოთ შხვეფიშ თინუაშე, ქოთ შხვა ოხვილურ ოკითხეფშე ართბორჯულო ვეფირქებე. ქიჸი უმოსი აქტიური მახვარებუეფი-და, იღოლინე ირფელი ჭიე-ჭიეთ. მა მუთ მოწაწჷნი, ქოთ [[ალპეფი]], [[თანაფაშ კოკი]], [[კლარჯეთი]] დო თეცალი სტატიეფი ბჭარე ირო, ქოთ კატეგორიეფს ვეცადე, ქოთ შხვეფიშ ნაჭარა სტატიეფი ბთინენი, ხვალე ვიკიშო ვორდე ოკო იმწკჷმა {{(:D}} ჭიჭე სტატიეფი ხოლო ვაბჭარით-და, აში ვამალინენა შორშა, არძო ვიკის რე ჭიჭე სტატიეფი. P.S. წოხოლე ჭარი სი, უციო სტატიეფს ვეცადათია, მუ ბღოლათ თიშე? გეგშაბგორათ კონკრეტული სტატიეფი, დიბჭყათ მუშობა ჭიე-ჭიეთ თინეფშე.[[მომხმარებელი:Odabade90|<font color="##00A0000">ოდაბადე</font>]] <small>([[მომხმარებლის განხილვა:Odabade90|სხუნუა]])</small> 13:36, 27 კვირკვე 2012 (GET)