სათხილო: გინორთი გინოჯინეფს შქას

'''სათხილო''', [[ქირსიანობა|ქირსიანული რელიგიაშ]] ართ-ართი თარი ონოფულე — მორწუმეშით [[ქირსე]]შ ზისხირიშ დო ხორციშ მეღება. საგანგებო ოხვამერნინალუაშ — [[ლიტურგია|წირუაშ]] ბორჯის, ქობალი დო ღვინი სიმბოლურო ქირსეშ ხორცო დო ზისხირო გინმირთუ, მუდგაშ მეღებათ მორწუმე ქირსეშ სიწიმინდეს უთხილანც დო ცოდეფშე იწიმინდუ, თი სჷმჷნითაზჷრით ნამდა ოშურეთის ჩხონდასჷნ. [[მართლმადიდებლური ეკლესია|მართლმადიდებლური ეკლესიაშ]] წესით სათხილოშ მეღება არძო მორწუმეს შეულებჷ, [[კათოლიციზმი|კათოლიკურით]] — ხვალე პაპეფც. საეკლესიო მონძღვარუა სათხილოშ ონოფულეშ დოწესაფას იესო ქირსეს მიოჭარანც (მუში ნებაშ წოხოლე, [[ონოფულური სერობა|ონოფულური სერობაშ]] ბორჯის). სათხილოშ ონოფულე სიმბოლურო გჷმოხანტუნც მორწუმეეფიშით ქირსეშ მეხჷ სამარდიელო (უზისხირე) მსხვერპლის. თეშნერი სჷმჷნცაზჷრს რე გერსხილი სათხილოშ ბერძნული ჯოხოდვალა ევქარისტია („მარდობა“).