ჩინეთიშ დიდი კიდალა: გინორთი გინოჯინეფს შქას

მანჯურიელეფიშ ცინიშ დინასტია(1644—1911), ნამუქჷთ გეჭოფჷ კიდალა უ სან გუიაშ მოხვარათი, დიდო ვაზრუნენდჷ კიდალაშ გაფართოებაშენ. ცინიშ სუმ საუკუნიან მმართველობაშ დროს კიდალაქ ჭიე-ჭიეთ აკოცუ. ხვალე თიშ ჭიჭე ნაწილ რე, პეკინ დო ბადალინიშ რაიონს ჯგირო შინახებულ. ინა ,,დიდაქალაქიშ კარიშ" მოვალეობას ასრულენდჷ. 1899 წანას ამერიკულ გაზეთემქ ხონარ ქიგიოთეს, ითამ კიდალას ადგილს დუთირანანია დო მუშ აბანს მატარებელიშ რელსემს გიოგანანია. 1984 წანას დენ სიაოპინიშ ინიციატივათ დიჭყეს ჩინეთიშ დი კიდალაშ რესტავრაციაშ პროგრამა, ნამუსით ფინანსირება ჩინურ დო უცხოურ კომპანიეფშე დო კერძო პიჯეფშე უღუდჷ. თის ხოლო ოკო მივაქციათ ყურადღება, მუჭო მინგინიშ რეგიონს, შანსიშ ხუს, ქიანაშ ოორუე-ბჟადალიშ 60 კილომეტრიან ნაწილ კიდალაშ აქტიურ ეროზიას განიცადენს. თეშ მიზეზ ჩინეთიშ მეურნეობაშ ინტენსიურ განვითარება რე, ნამუქჷთ 1950 წანაშე დიჭყჷ დო ათექ დიხაშ თუდონ წყარეფ გასკირუ. კიდალაშ 40 კილომეტრშე უმოს ნაწილქ უკვე აკოცუ, დო ხვალე 10 კილომეტრ გერე მუშ ადგილს. კანკალე ადგილსაბანს კიდალაშკჷდალაშ სიმაღლექ უმოსო დეჭიჭარჷ ხუთშე ჟირ მეტრაშახ.