კანონი (ნორმატიული აქტი): გინორთი გინოჯინეფს შქას

'''კანონი''' რე სახენწჷფოშ უმაღალაში წჷმმარინაფალური ორგანოშ ხეშე გჷშაკერძაფილი წესით მეღებული აქტი, ნამუთ არეგულირენც უშანულამაშ ჯარალუობური ურთიართობეფც. კანონეფი არძოშე გოფაჩილი ფორმა რე, მუდგაშ მეშქაშალათ ოკო დიდგინას კონსტიტუციურ-სამართალიშური ნორმეფიშ უმენტაშ მუდანაფაქ ნამუეფუთ მითმიღებაფუაფჷ [[კონსტიტუცია|კონსტიტუციაშ]] დვალირაფეფიშ დო პრინციპეფიშ ოსხირშა დო თინეფიშ გავითარაფალო. კანონეფი, თინეფც რენჯი ნორმეფიშ შანულობაშ მეჯინათ, ირთუ კონსტიტუციური, ორგანული დო ძაკირჩქვანელობური კანონეფო. ძაკირჩქვანელობური კანონეფი, მუშ ჸურეშე, ირთუ ოკოდიფიკაციე დო მუმალუ კანონეფო<ref>პ. ცნობილაძე, კონსტიტუციური სამართალი, ტომი პირველი, თბ., 2004, გვ. 39</ref>.

ძაკირჩქვანელობური კანონეფი არეგულირენა სახენწჷფო ვარა ჯარალუობური რინაშ ზოხოშური სფეროეფც<ref name="მაჟარნეჩა">პ. ცნობილაძე, კონსტიტუციური სამართალი, ტომი მაართა, ქთ., 2004, ხს. 40</ref>.