ვერე: გინორთი გინოჯინეფს შქას
Machirkholi (სხუნუა | ნახანდი) ახალი გვერდი: '''ვერე''', წყარმალუ (სკვირეთი, სკორეთი), ბჟაეიოლ საქორთუოს. ოდ... |
(გინორთი ვა რე)
|
21:05, 3 მარაშინათუთა 2012-იშ ვერსია
ვერე, წყარმალუ (სკვირეთი, სკორეთი), ბჟაეიოლ საქორთუოს. ოდუდეს იდვანს თრიალეთიშ ქჷნდჷრიშ ბჟაეიოლ კართეს, დიდგორიშ გვალას, მტკვარიშ მარძგვანი ნადუ. მტკვარს მიშმაკათუ ნოღა ქართიშ დინახალე. სიგირძა 45 კმ. აუზიშ ფართობი 194 კმ2. ეთმიჯუმუაფუ თირიშ, ჭვემაში დო დიხაშ თუდონი წყარით. წყარალა უჩქჷ აფუნს, წყარიშ სიჭიჭარე - ზარხულს დო ზოთონჯის. ახასიათენს პერიოდულ წყარიშ მოლაფა. ოშქაშე წანიერი ხარჯი 0,97 მ3/წმ. თარი ნადუეფი რე (კვარჩხანშე) ლასტისციხისხევი დო ვენახევისხევი, (მარძგვანშე) ბეთანიისწყალი. შქა დო თუდონი ლინას გიმირინუანა ოწყარალო. ვახუშტი ბატონიშვილი იშინუანს მუჭოთ - სკვირეთი-ს. ვერეშ ლეხერს იდვალუაფუ ბეთანიაშ მონასტერი, ქართიშ ზოოპარკი, ბაღანეფიშ ნოღა "მზიური".
ისტორია
ვახუშტი ბაგრატიონი ჭარუნს:
- ხოლო კოჟორის ჩრდილო კერძ არს სკვრეთის მდინარე, აწ წოდებული ვერე; გამოსდის ::დიდგორის მთას, მოდის აღმოსავლით, ერთვის მტკუარს დასავლიდამ, ტფილისის ჩრდილოთ ::კერძ. შესართავსა ზედა არს ლურჯი მონასტერი.
მაართათ სკვირეთის ლეონტი მროველი იშინუანს, მუჟამს თინა ჭარუნსუ ქართლიშ ომაფეშ ადრეულ ისტორიაშე. ლეონტი მროველიშ მეჯინათ, ქართლოსის ჸუნდუ ხუთ ბოში ჸუნდუ დო ირ ბოშის გიშაკერძაფილ ტერიტორია მეჩუ ომაფებელო. მახუთა ბოშის, ჯოხოთ გაჩიოს, შეხვადუ
- ორბის ციხე და სკვირეთი მდინარითგან ვიდრე თავადმდე აბოცისა.
უკული მემატიანე ფარნავაზ მაფაწკჷმა დაკავშირეფით ჭარუნს თეშნერს:
- მეოთხე გაგზავნა სამშვილდის ერისთავად და მისცა სკვრეთისა მდინარითგან ვიდრე მთამდე, რომელ არს ტაშირ და აბოცი.