დინაფილი ბორჯიშ გორუას: გინორთი გინოჯინეფს შქას

დინორექ დილასჷ დინორექ ქეგიაძონუ
ახალი გვერდი: '''დინაფილ ბორჯიშ გორუას''' ვარა '''ულირ მოლინეფიშ გოშინა''' (ქორთ....
(გინორთი ვა რე)

11:55, 5 მარაშინათუთა 2012-იშ ვერსია

დინაფილ ბორჯიშ გორუას ვარა ულირ მოლინეფიშ გოშინა (ქორთ. დაკარგული დროის ძიებაში, ფრანგულო À la Recherche du Temps Perdu ინგლ. In Search of Lost Time ვარა Remembrance of Things Past, რუს. В поисках Утраченного Времени,) რე მარსელ პრუსტიშ რომან შკვით ტომო. დინაფილ ბორჯიშ გორუას რე მარსელ პრუსტიშ არძოშ უმოს ჩინებულ რომან. თე რომან ჩინებული რე ქოთ მუშ სიგირძათ დო ქოთ ვა ვოლუნტრულ გოშინაშ თემათ, ნამუშ არძოშ უმოს გიშარჩქინელი მაგალითი რე „მადლენიშ ეპიზოდი“.

დინაფილ ბორჯიშ გორუა დუდიშე ინგლისი რჩქინელი რდუ ჯოხოთ ულირ მოლინეფიშ გოშინა. ეკონიათ შინაფილ ჯოხოთ რდუ თე რომან ნათანგა დო გიშაჩამილ ინგლისურო 'ჩარლ ქენეთ სქოთ მონკრიფიშ (Charles Kenneth Scott Moncrieff) დო ტერენს კილმარტინიშ მიერ. მარა 1992 წანას დენის ჯოზეფ ენრიგთიშ ახალ ნათანგაშ გიშაშქუმალაშ უკული რომანიშ ახალ ჯოხოქ, დინაფილ ბორჯიშ გორუას (ნამუთ რე ფრანგულშე ზიტყვა-ზიტყვათ ნათანგა), დემკვიდრუ დუდი.

დინაფილ ბორჯიშ გორუას გიმირინუაფუ დახე 1.5 მილიონ ზიტყვა დო საგებიოშ ლიტერატურას იკოროცხუ ართ-ართ უგირძაშ რომანო.

რომანიშ ჭარუაქ დიჭყუ 1909 წანას. პრუსტი აგირძორენდუ მუშობას თე რომანშე სოიშახ მუშ ლახალაქ ვადაძალუ მეუტებუდუკო ჭარუა 1922 წანაშ დამორჩილს. პრუსტიქ რომანიშ სტრუქტურა აკადგინუ ადრე, მარა რომანიშ ტომეფიშ პირველ ვარიანტეფიშ თებაშ უკულ ხოლო პრუსტი აგირძორენდუ თიშ რედაქტირაფას. გუმობჟინაფაშახ პრუსტიქ ირ ტომი დუდიშე დარედაქტირუ. მარა რომანიშ ეკონია სუმ ტომს იშენ რე ხარვეზეფი, ფრაგმენტული დო გინუჯინუ (ვა დარედაქტირებული) პასაჟეფი, მუჭოთ თენეფი არსებენდუ რომანიშ დაჭყაფუ ვერსიას. რომანიშ თე ხარვეიანი ნორთეფიშ რედაქტირაფა ვართ პრუსტიშ ჯიმას მახერხინუ დო თეშ გუმაბჟინუ რომანი.

ნახანდა საფრანგეთიშ გუმაბჟინეს 1913-შე 1927 წანაშახ პერიოდის. პრუსტის ფარაქ აჸუ გინაგაფალქ რომანიშ პირველ ტომიშ გუმაბჟინაფალო (გუმმაბჟინაფალი რდუ გრასსეტიშ (Grasset) გუმმაბჟინაფალი ჸუდე) თიშ უკული, მუთ მაჸვენჯი გუმმაბჟინაფალეფქ წიგნიშ გიშაშქუმალაშე ვარია თქვის.

რომანს გიშარაგადებული იდეა, მოტივი დო სცენა რჩქინდუ ზოგადი ფორმათ პრუსტიშ უგუთებუ ნახანდეფს; მაგალთო, რომანს „ჟან სანტეულ“-ს (ფრ. Jean Santeuil), ნამუთუშეთ პრუსტი ხანდენდუ 1896 წანაშე 99 წანაშახ, დინაფილ ბორჯიშ გორუაშენ მუშობაშ დოჭყაფაშახ. მარა ოკო ითქუას, ნამდა „ჯან სანტეულ“-ს პრუსტი ბრელ თემას შხვანერო უჯინე დო გინმოჭყვადუნს. დინაფილ ბორჯიშ გორუაშ ბრელი იდეა, მოტივი დო სცენა თაშნეშე რჩქინდუ პრუსტიშ სხვა უთებუ ნახანდას Contre Sainte-Beuve (1908–09), ნამუთ რე ფილოსოფიურ ესსე დო ისტორია.

დინაფილ ბორჯიშ გორუას უღუდუ დიდი გოლინა მაეჩა ოშწანურაშ საგებიო ლიტერატურაშენ. ნამთინე ავტორი ბაძენდუ თე ნოველას, ნამთინე გიაძიცენდუ.