დინაფილი ბორჯიშ გორუას: გინორთი გინოჯინეფს შქას
დინორექ დილასჷ დინორექ ქეგიაძონუ
Machirkholi (სხუნუა | ნახანდი) ვა რე რედაქტირაფაშ რეზიუმე |
Machirkholi (სხუნუა | ნახანდი) ვა რე რედაქტირაფაშ რეზიუმე |
||
ღოზი 46:
ორდო 1914 წანას, ანდრე გიდექ, ნამდგას მუშ თია აფუდუ მიშაღალირი NRF-შე რომანიშ პირველი ტომიშ გუმობჟინაფაშენ ვარიაშ რაგადის, პრუსტის მეჭარუ მორდებაშ წერილი დო მიახვამუ რომანიშ გიშაშქუმალა. „მუსხითირენ დღას მა ვეშმალებუ თქვან წიგნიშ დოოთამაქ... თე წიგნიშ გიშაშქუმალაშენ ვარიაშ რაგადი NRF-შო დოსკიდუ არძოშ უმოს სერიოზული ჩილათათ დო თაშ მუჭოთ მა მიღუ ონჯღორე თეშნერი საქვარშა ჩქიმ თიაშ მიშაღალაშენ გამამინჯალან, თე ამბე დოსკიდუ ჩქიმ ცხოვრებას ართ-ართი უმოს კონწარო გაშინალ დო ონარღებელი. <ref>([[#ref Tadié|Tadié]], 611)</ref>.
'''ტომი 2: პეულერი ცირეფიშ ოროშ თუდო''' (ფრ. ''À l'ombre des jeunes filles en fleurs''') (1919), გუმობჟინაფა დოგეგმილი რდუ 1914 წანაშო, მარა უმობჟინაფაქ გინოდვალირქ იუ [[მაართა საგებიო ლჷმაშ]] დოჭყაფას გეშა. თეშ გალე, გრასეტიშ ფირმაქ დიკილუ, მუჟამს პუბლიკატორქ ონჯარე ომოინალეთ იდუ. თექ პრუსტის მეჩუ დუდიშალა გეგნურთუმუდუკო გალიმარდიშა (Gallimard), სოდგა ‘დინაფილი ბორჯიშ გორუას’ წიგნეიშ დოსკილადირ ტომეფქ იუ გიშაშქუმალირქ. თე ბორჯიშ დინახალე, რომანი ირდუდ ქოთ სიგირძას დო ქოთ ფორილი თემეფით.
წიგნის - ''პეულერი ცირეფიშ ოროშ თუდო'' - გინოჩეს გონკორიშ პრიზი (ფრ.'''Prix Goncourt''') 1919 წ-ს.
'''ტომი 3: გერმანტეფიშ ურე''' დუდიშე გიშიჩუ მუჭოთ ''გერმანტეფიშ ურე I'' (1920) დო ''გერმანტეფიშ ურე II'' (1921).
'''ტომი 4: სოდომი დო გომორი''' (ფრ. Sodome et Gomorrhe I et II) დუდიშე გიშარჩქინდუ მუჭოთთ გერმანტეფიშ ურე II-იშ პირველ ჟარნეჩი ხასილაქ ([[#ref BandR|Bouillaguet and Rogers]], 942), დო დოსკილადირი ნორთიქ გიშეშქუ მუჭოთ ''სოდომი დო გომორი I'' (1921) დო ''სოდომი დო გომორი II'' (1922). თენა წიგნი რდუ ეკონია ტომი ნამუშ გიშაშქუმალას პრუსი თოლუჯის ოუნუანდუ დო ხემანჟღვერენდუ 1922 წანას მუშ ღურაშა. დოსკილადირი ტომეფიშ გიშაშქუმალას ხემანჟღვერენდუ პრუსტიშ ჯიმა, რობერტ პრუსი დო ჟაკ რივიერი.
'''ტომი 5: პატიმარი''' (1923) რე თელ რომანიშ თი ნორთიშ მაართა ტომი, ნამუთ ჩინებული რე ჯოხოთ: „ალბერტინიშ რომანი“ ("le Roman d'Albertine"). ჯოხო „ალბერტინი“ პირველო გიშმარჩქინდუ პრუსტიშ ბლოკნოტის 1913 წანას. თე ტომეფიშ მასალეფ პრუსტიქ გავითარუ პირველი დო მაჟრა ტომეფიშ გიშაშქუმალაშ ინტერვალს; „ალბერტინიშ რომანი“ რე გინორთაფა სუმ ტომეულიშ გიშაშქუმალაშ გეგმაშე, ანმუშეთ პრუსტიქ გაცხადუ „სვანიშ ურე“ (ტომი 1) მიშალ ზიტყვას.
'''ტომი 6: ნტებული''' ვარა '''ალბერტინიშ ულა''' ქიშაშქუმალირქ იუ 1925 წანას. თე ტომიშ გიშაშკუმალა რდუ არძოშ უმოს პრობლემური. მუჭოთ ჟიდოშე ირაგადუნ, რომანიშ ეკონია სუმ ტომქ გიშართუ პრუსტიშ ღურაშ უკული დო პრუსტიშ ეკონია რედატქირებეფის დო ენოთინუეფიშ უმშო. მამშვა ტომიშ პირველ გიშაშქუმალაქ მოხვადუ ჯოხოთ „ალბერტინიშ ულა“ თი სამანჯელით ნამდა კათას ტე წიგნი შხვა ავტორიშ რაბინდრანათ თაგორიშ წიგნიშა ‘ნტებული’ (1921) <ref>Calkins, Mark. [http://tempsperdu.com/chronop.html პრუსტიშ ცხოვრებაშ ქრონოლოგია]. [http://tempsperdu.com/ TempsPerdu.com]. 25 მესი 2005.</ref> მამშვა ტომიშ პირველ სანდრო გიშაშქუმალაქ ფრანგულო 1954 წანას, ნამუთ ბაზირებულ რდუ პრუსტიშ ხენაჭარაშა, ტომიშ ჯოხოთ გიმირინუანდუ „ნტებული“. მაჟირა, უმოს ხოლო ავტორიტეტული გიშაშქუმალა ფრანგულო (1987-1989) გიმირინუანს ჯოხოს ''ალბერტინიშ ულა''. თე მაჟირა გიშაშქუმალა ბაზირებული რე ტომიშ ნაბეშტა ვერსიაშა, ნამუს ვა უღუ ავტორიშ კომენტარეფი დო ნამუთ ყიდირებულქ იუ 1962 წანას საფრანგეთიშ ნაციონალურ ბიბლიოთეკაშ მიერ. საქვარი ხოლო გართული თი გარემოებაქ, ნამდა 1986 წანას პრუსტიშ დაშსქუაშ, სუზი მანტე-პრუსტიშ, ღურაშ უკული, თიშ ქარღადეფს შქას თიშ სინჯაქ ძირუ რომანიშ ბეშტელი ვერსია, ნამდგა ენოთინილი დო ანოტირებული რდუ პრუსტიშ მიერ. გვიან თირაფეფი, ნამდგა პრუსტიქ მიშეღუ ტომიშა, იკათუანს ჭიჭე, მარა მნიშვნელოვანი დეტალეფს დო მეხოლაფირო 150 ხასილაშ ლასუას. თე ვერსიაქ საფრანგეთის გიშეჩუ 1987 წანას ჯოხოთ - ''ალბერტინიშ ულა''.
'''ტომი 7: დორთინაფილ ბორჯი''' (1927) - თე ტომქ იჭარუ „სვანიშ ურე“-შ თანაბორჯიელო. მარა, მაშქვითა ტომი პრუსტიქ განავრცუ დო თირუ რომანიშ გუმობჟინაფაშ ლინას. სვანქ უმოსო მიშუძინუ თიშნერ ნორთეი, ნამუთ ეთმეხანტუნს რომანიშ შქა ტომეფს გოვითარებულ მოლინეფს ([[#ref Terdiman|Terdiman]], 153n3). თე ტომი იკათუანს ჩინებულ ნორთის, ნამუთ ეთმეჭარუნს პარიზის მაართა საგებიო ლჷმაშ ბორჯის.
==ქოძირით თაშნეშე==
| |||