ხელუანობა: გინორთი გინოჯინეფს შქას

შქა ოშწანურეფც ტერმინი ''ხელუანობა'' გჷმირინუაფუდჷ გურაფაშ ეიოშანალო, გჷმისხუნუდჷ მუჭოთ ეთოჩნებაშ ინსტრუმენტი. თე ფარანიშ შქვით დუდიშული ხელუანობას ორხველუდ: [[გრამატიკა]], [[ლოგიკა]], [[რიტორიკა]], [[არითმეტიკა]], [[მუსიკა]], [[გეომეტრია]] დო [[ასტრონომია]]. ბჟადაჸალური კულტურას [[ვიზუალური ხელუანობა|ვიზუალურ ხელუანობეფიშ]] შქას ოშწანურეფიშ აშაბანცგანწხანს სქიდუდ ხვალე ფერჭარუა დო სკულპტურა. [[ისლამი|ისლამურ]] კულტურაას ჯინჯიერი ფორმა [[ორნამენტი]] რდჷ, რახან თე რელიგია შურდგუმილი სქჷლედეფიშ გჷმოსახუას კრძალუნდჷ. ნამთინე კულტურაშ [[ნიღაბი|ნიღაბეფი]], ტატუირაფა, კერამიკა დო ლითონიშ ნაქიმინეფი რდეს სახუათ ხელუანობაშ ჯინჯიერი ფორმეფი. ტექნიკური პროგრესიქ შელებუანო გინაშქუ ხელუანობაშ ახალი ფორმეფიშ გორჩქინა, მუნერეფით რე: [[ფოტოგრაფია]] დო [[კინო]],ოდო ალმახანური ელექტრონული ტექნოლოგიეფი ძირაფონი სახეეფიშრსუალოშ ახალი ფორმეფიშ ქიმინუაშ დო წჷმორინაფაშ მეშქაშალეფც ირზენც.