ვიკიპედია:ოჩაიე: გინორთი გინოჯინეფს შქას

სკანით თქვი: ნაცია რენა თუ ვარი თინა კათაქ ოკო გინოჭყვადასია. დო თიშ აწმარინჯულს იჩიებუქ ასე. სი გინმუჭყვადუნქო ლაზეფს ნაცია რენა თუ ვარი? მოლენ ლაზეფ დუც ქორთუეფო კოროცხუნა დო მელენარეფი თურქებო - თენა რე დეზინფორმაცია დო მეტ მუთუნ ვარი. მიქ გიწუ ენა? მოლენი სარფალეფი ჩქინ ქიანას ზუსტას "საქართველოს" უძახუნა დო ვარი საქორთუოს.
რიზეშ ლაზეფიშ აბსოლიტურ უმენტაშობა დუს ლაზო კოროცხუნს დო ვარი თურქო, დო რადიკალურო აწურენა(ეწინააღმდეგებიან) თურქეფწკმა მუთუნ ნათესაურ რცხუეფს. ხვალე ლაზეფი ტრაპიზონშე სამსუნშახ რენა ასიმილირებული , დო გინორთელ რენა თურქულ საზოგადოებათ ,მუჭოთ საქართველოს გურულეფი მაგალთო(თაქ გიმოდირთ სკანი ფრანგეფიშ დო ბრეტონეფიშ მაგალითი) :)))). დო ქორთუეფს თეშ უჯინენა მუჭოთ მოჯგირე წორი ნაციას. მა ლაზი ვორექ ეროვნებათ დო მითინიშ გინაჭყვადალ ვარე თენა ჩქიმიშ გალე.კინე იბჩიებუქი ჩქიმო ქართველი ვა რე ნაცია. ქართველ რე სუბეთნოსეფიშ ბუნაშ ჯოხო(ნამუთ ვა რე სამართლიან).მა გუათე თქვანწკმა ჩიება,დო გასაგებ რე თქვან პოზიცია,აიშახ მიჩქუდ ჩქი ართ შარა მიღუდესი,მარა ვაოფე თაში.თქვა გაგინძორით თქვან შარათ ულა დო მა ჩქიმ შარათ ულ. პრობლემ?:DD--[[მომხმარებელი:Makron|Makron]] ([[მომხმარებლის განხილვა:Makron|განხილვა]]) 17:55, 22 გერგობათუთა 2012 (GET)
 
:მაკრონი პატჷნი, ჩქინი მეჯინა ვართ თიჯგუა შხვადოშხვანერი რე, ქჷდეკვირებუქ-და. ხვალე აქცენტეფი მიღუნა შხვანერი :) მორდება, გურს ქჷმორხვადჷ მუთუნი თეშ ბთქვიი-და.
 
:კინი გობსხუნუ დეტალებს, მუ მიღუდუ გურსუნი. მარა მემჩქუ-და ართნერო ვამოსჷნჷნა ტერმინეფი დო სხუნუაშახ დიო თიშე დებყაბულათ ოკო.
 
:ერი რე კათუა ხარხეფიშ ნამუსუთ აართიანენს ართი მუმალი, ვარ გინოჭყვიდეს ართო რინა მუმალშო. ერიშ ართ-ართი თარი ატრიბუტი რე [[სახენწჷფო]].
 
:ასე ეთნოსის განმარტებაშე. ბჟადალური ენციკლოპედიეფს ქიგნაჯინექჷ-და, ეთნოსი, ეთნიკური ბუნა, ეთნოგრაფიული ბუნა რე სინონიმეფი დო ართიანიშ მათირაფალო იხვარუაფუ. ჩქინწკჷმა სხუნუეფიშ კავშირიშ მენცარობაშ გაულათ, ეთნოსი დო ეთნიკური ბუნა შხვა, ეთნოგრაფიული ბუნა დო სუბ-ეთნოსი შხვა რე განმარტებათ. კუნტას, მუსუთ ჩქინწკჷმა ეთნოგრაფიული ბუნა უჯოხონანი, ბჟადალურო თიშ მანგი ხოლო [[:en:Ethnic_group|ეთნიკური ბუნა]] რე.
 
:ბრეტონალეფი რე ეთნიკური ბუნა. დო ჟინი ტერმინოლოგიაშ ენწჸჷმას გებთოლწონენთჷ-და, გვალო ბონი ანალოგია რე. უღუნა მუშ ეთნიკური, ლინგვისტური დო ერუანული იდენტობა. დო მუშენ რენა დეგრადირაფილი? თე ლოგიკათ არძო ეთნიკური ბუნა, ნამუსუთ ზოხო ქიანა ვაუღუნი, დეგრადირებული ჸოფე :) ემერი ვიკი ქო მეურაჸუნა 44,429 სტატიათ ეშ :D
 
:კინი ჟინი განმარტებას გებთოლწონენთჷ-და, კოლხეფი რდეს ერი. დო ართ-ართი კოლხური ტომი რდჷ სანიგეფი ხოლო, შონეფი რენანია ზოჯინი :) ვარდუო თაშ? თაშნეშე შონეფიშ კინოხონეფი ხოლო კოლხეფი რდეს. ენა ართი. მაჟია, მუჟამი რდჷ კოლხეთი? დოხოლებურო 2500-3500 წანაშ კჷნოხ. დო მუ კულტურაქ ალასქჷდჷ, თი კოლხეთის რდჷნი თიჯგუაქ ასეშა, ხვალე ლაზეფს დო მარგალეფს ირწყებე, ნამუთ ექსკლუზიურო კოლხო გინმაშქვანანი? ნინავა იჩიებუქუნი, თი ანთასობით წანაშ კჷნოხ მუ ნინაშა იჩიებუდესჷნი უჩქჷნო მითინს? მუ კოლხური ნინა, ბოი? ამარი ლაზური დო მარგალური ამარდე დეშორჷ ზანურშე დო ვადიგურე-და, გვერდი ვაგგაგინე. დო თიმწკჷმა მუ ნინათ რდჷნი, მუ გიჩქჷ ასეიანი შონურს უმოსო ვამოგჷდჷ დო იშენ-იშენი მარგალურ-ლაზური უმოსო რდჷნი?
 
:შონურიშ პროტო-ქორთულ-ზანურშე გჷშართუალაქ მოხვადუა XVIII, ქორთული დო ზანურიშ VIII ოშწანურას. კოლხეთიშ ბორჯის თე არძო ნინა ართიანს მოგჷდკონიედჷ. დო უკული დო უკული უმოსო დეშორეს შხვადოშხვა აბანიშ ნინებქ. თის გეძინელი ანთასი მიდგარენი გილეხაბაკჷდჷ თე ტერიტორიეფს, ნამუქუთ ნოქური ქჷდიტუუ. დო ნამუ ნინა რდჷ უმოსო იზოლირებული თე გაულაშე? შონური ვარო? ოდო, ეგება შონური რდას თი ნინა, ნამუთ გჷ არძოშ უმოსო თი ნინას, კოლხეთის იჩიებუდესჷნი :) დო თაშ რედა, თი ლოგიკათ მარგალეფი დო ლაზეფი კოლხეფი ვაჸოფენა... დო მითოლოგიაშე ზოგადო იბჩიებუქ, სქანდე ვამთქუალჷ იშენ დო იშენი. სარკო იდეეფს გინუოჯინი ამარდე დო ჩქიმი გურიშჭუა გჷმობხანტი :D
 
:მიჩქჷ თურქეთის ლაზეფს უღუნა მუშ იდენტობა დო დუდი თურქო ვემიოჩქჷნა. მარა თეშე ვამთქუალჷ. მაგალთო, [[ააშ]]-ს არძო ეთნიკური ბუნაშ კათა შერხვადჷ, მარა ამერიკალეფი იშენი ერი რე, თიშ გურშენი ნამუდა უღუნა სინება: "თენა რე ჩქიმი ქიანა"! დო მი ლაზეფს დუვეკვირინი, თინეფს ხოლო ოსჷნჷდეს (ვამიჩქჷ, შილებე სამანგეფიშ მუდანობა ვარე დასაბაღი-და), თურქეთი რე მუნეფიშ ქიანანი :) დო თენა რე მა მუთ მიღუ გურსუ, ერუანული იდენტურობას იბჩიებუქუნი.
 
:თაშნეშე ჩქინი ქიანა, გეორგია, შედჷრთჷ კომპონენტეფშე a, b, c ,..., მარა ართიანი გვართას ხოლო ჯოხო B={a, b, c, ...}. დო მართალი რექ, შილებე თე B ჯოხო ვარდას სამართალამი, შილებე უმოსი ბონი ჯოხო ოკო რდას ABC & Co. მარა, ბოში, ჯოხო თე B! თაშიო, თეშიო, ისტორია რდჷ თეცალიო, ართი-ართი კომპონენტი რდჷ დომინანტიო, ჯოხო თე B! მარა ასე XXI საუკუნეს თენა რე ხვალე ტერმინოლოგია დო ვარე ოხვილური თეშ ხეშა გეკარკაზაფა. ოდო, მა a ვორექ თუ c ვორექ, ჩქიმი ღანკი რე ჩქიმი a-ობა თუ c-ობას ქაწუკუნე წოხოლე დო თეთ B საართო გვართაქ წჷმიძინას. სი იჩებუქ, b ვავორეთია, მა იბჩიებუქ B ტერმინი რე-მაქ საართო გვართაში. მიჩქჷნა, ჩქი ვავორეთ b, თინი რექ! მარა B დო b შხვადოშხვა მუდგარენი რე, ართნერო ისჷმე ხვალე :D
 
:დო ჩქი თაქ კონკრეტულო თის ვოცადჷთ, ჩქინი ნინაქ ვემედინას, ვორწყეთ გაჭირებას რენი. დო B მუშე ჯოხო B-ს, b-შ ჯოხონი, თენა ვარე პრიორიტეტული. სი შილებე შხვანერო ფირქენქ, ვამორწონს თე B ჯოხო, ვარდა ჩქიმი ნაჭარაქ ქალგაკათ გლახათ გურშა, მარა სი ხოლო ხო გიჸორს სქანი ნინანი, თიშენ ვარექო თაქ? თინა გორი, მუთ საართო მიღუნა დო ქალამდჷრთით თეშე. მუ შხვა შარა, ბოი, სო მეულუ, სო რე ოდინაფალი კათა? :D
 
:[[User:Kilavagora|კილავაგორა]] — 14:23, 23 გერგობათუთა 2012 (GET)
 
==გიშნაგორა სტატია==
555

რედაქტირება