დიხაშნწალუა: გინორთი გინოჯინეფს შქას

'''დიხაშნწალუა''' — ორთაშობური ბაძაძეფით გჷშაჭანაფილი [[დიხაუჩა|დიხაუჩაშ]] ჟიდოხიშ ძანძინი. დიხაშნწალუეფიშ უმენტაშობა დაღარი რე, შხირას თოლშა უმულაფუ რე ადამიერეფშო დო მუთუნინერ ფორას ვა გჷშმეჭანუანს. ნამთინე თინეფიშე დიდი პანჯუას გჷშმეჭანუანს, მუსჷთ კანკალეშა მოჸუნც ღურა ხოლო. დიხაშნწალუაშ სინძალიერა [[რიხტერიშ სინძალირეშ შკალა|რიხტერიშ შკალათ]] იზჷმუ. დიხაშნწალუა ჯინჯიერო, ტექტონიკური პროცესეფით რე გჷშაჭანაფილი. დიხაშნწალუაშ კერა დიხაუჩაშ გურიშ თი განს წჷმარინუანს, სოდეთ ქანეფს დიდი ხანიშ მალობას შაყარელი ენერგიაშ გინოხარგუა მუთმოხვადჷნ. დიხაშნწალუაშ სიძალიერასინძალიერა მაგნიტუდათ (რეღმეფიშ ოართე ენერგიათ) დო ბალეფით გჷშმეკოროცხუ. ბალიშ სიდიდა კერაშ სიტომბა დო მაგნიტუდაშა რე მიკობუნაფილი. დიხაუჩას ჟირი ჯინჯიერი სეისმური ორტყაფუ რე ჩინებული: ალპურ-ჰიმალაური დო წყჷნაროკიანური. [[საქორთუო]]შ ტერიტორია, მუჭოთ [[კავკაცია]]შ სეისმური რეგიონიშ უგმურთუ ნორთი, ალპურ-ჰიმალაურ სეისმოაქტიურ ორტყაფუს ორხველჷ. ჩქინი ქიანაშ ტერიტორია ოლებერი დიხაშნწალუეფიშ სიძალიერათსინძალიერათ დო მოჸუნაფუ ნეგატიური მოღალუეფით, ართ-ართი ურთულაში რეგიონი რე დო 7-9 ბალამი დიხაშნწალუეფიშ რისკიშ ზონას რე მორთინაფილი. დიხაშნწალუას შხირას მოჸუნც თიშით პროვოცირაფილი შხვა სტიქიური ჸოფირებეფი: [[ცუნამი]], [[მენწყერი]], [[სვიმონი|სვიმონეფი]], ღვარცოფი, დაჩხირი დო შხვა.

* [[1991]] წანაშ [[29 პირელი|29 პირელს]] საქორთუოს მოხვალამირ დიხაშნწალუაშ ეპიცენტრი [[საჩხერე|საჩხერეწკჷმა]] ხოლოს იდვალუაფუდჷ. დიხაშნწალუაშ სინძალიერა 9 ბალი რდჷ. ოფუტე [[ხახიეთი]]ქ (დიხაშნწალუაშ ეპიცენტრი) ედომუშამო მიჯილიკუ. თაქ ნძალიერ ქუაცუმაქ იჸუ, მუქჷთ ნამითენგანსნამუთინეგანს წყარმალუეფი გეგნოკილუ დო ხელობური ტობეფი გარჩქინჷ. დიხაშნწალუაშ გეშა დიქოსჷ ოხორინალ ჸუდეეფქ საჩხერეშ, [[ონი]]შ დო [[ამბროლაური]]შ რაიონეფს, დიგავალუ ჟიმოლენი [[იმერეთი]]შ დო რაჭაშ ოფუტეეფქ. ღურულეფიშღურელეფიშ მუდანობა დიდი ვა რდჷ, თიშენ ნამდა დიხაშნწალუაშ ეპიცენტრი დოხორინელ პუნქტეფიშე დოჩილითაფირო იდვალუაფუდჷ. თეწკჷმა, დიხაშნწალუაშ ბორჯის ადამიერეფიშ უმენტაშობა ომუშებუშა რდჷ ულირი დო ჸუდეეფს ვა რდეს.

* მერინაფილი მატერიარული გავალიშ დო ადამიერეფიშ ღურაშ მუდანობაშ მეჯინათ დიხაშნწალუა არძოშე მასშტაბულიმასშტაბური მუმაჯილიკარი სტიქია რე. დიხაშნწალუეფშე საგებიოსმოსოფელს ირწანურო დოხოლაფირო 10 ვითოში ადამიერი დინუ. დიხაუჩას წარმოწანას ოშქარულო ართი კატასტროფული დო 100 მუმაჯილიკარი დიხაშნწალუა ხვადუ.